تغيير كامل في مظهر الأسنان في أقل من أسبوع

مع هوليود سمايل

ارخص سعر ل 16 سنة امامية هو 51400 جنيه، 20 سنة أمامية 64250 جنيه
ودي مع الأسف مش أحسن خامات لأن اختلاف الاسعار بيكون بسبب اختلاف الخامات والأجهزة المستخدمة

في عيادة وايت اند برايت سعر 16 سنة بـ 72000 جنيه، وسعر الـ20 سنة ب 90000 جنيه.

اسعار ابتسامة هوليود بتختلف باختلاف الخامات المستخدمة، عشان كده عملنالك مقارنة اسعار ابتسامة هوليود في عيادات مصر

في عيادة وايت اند برايت سعر 16 سنة بـ 59.200 جنيه، وسعر الـ20 سنة ب 74000 جنيه. لكن تقدر تدفع بالتقسيط، اتواصل معانا في العيادة واعرف كل التفاصيل.

في طرق كتير ممكن يستخدمها دكتور الاسنان لعمل هوليود سمايل بيتم تحديدها على حسب حالة الأسنان، الطرق دي زي:

1. عدسات الأسنان زي الفينير واللومينير، هي عبارة عن قشرة رقيقة جدًا شفافة من مادة البورسلين أو الزيركون وبتتميز بصلابتها ولمعانها الجذاب.
2. تركيب الأسنان لو في جزء مفقود أو مكسور من السن أو الضرس.

وبسبب اختلاف طرق عمل هوليود سمايل، هتلاقي في فرق في تكلفة هوليود سمايل في مصر على حسب الطريقة أو الجهاز اللي هيتم استخدامه.

ممكن تتمتع بابتسامة هوليود في أقل من 48 ساعة أو بالكتير في 14 يوم على حسب حالة الأسنان، لكن الأكيد أن في شوية خطوات لازم هيعدي بيها أي شخص هيعمل ابتسامة هوليود، وهي:

1. الزيارة الأولى لدكتور الأسنان وفيها بيتم تحديد التقنية المناسبة لعمل هوليود سمايل على حسب مدى تضرر الأسنان وصحة اللثة، مع مراعاة تكلفة هوليود سمايل المناسبة للمريض؛ بمتوسط سعر هوليود سمايل لـ 16 سِنة أمامية بـ 40 ألف جنيه مصري، و بمتوسط سعر هوليود سمايل لـ 20 سِنة أمامية بـ 50 ألف جنيه مصري.
2. دكتور الاسنان هيطلب شوية فحوصات طبية و أشعة للتأكد من أن الأسنان و اللثة في حالة جيدة و مناسبة لعمل هوليود سمايل.
3. معالجة أي مشاكل بالأسنان قبل عمل هوليود سمايل زي إزالة الجير أو علاج التسوس و حشو العصب وغيرها.

(ممكن  تكون الخطوة دي مش ضرورية أو حاسمة لعمل ابتسامة هوليود أو هوليود سمايل، لكن اجرائها سيكون أفضل لصحة أسنانك وللحصول على أفضل نتائج لـ ابتسامة مثالية)

ملحوظة: في حالة فقدان الأسنان، ممكن يلجأ دكتور الاسنان لعمل زراعة الأسنان أو تركيب الأسنان المفقودة في بداية خطة العلاج علشان يوصل لأفضل تناسق بالأسنان الأصلية مع الأسنان الجديدة.

الخطوة الأخيرة وهي تركيب الأسنان أو استخدام عدسات الأسنان.

ملحوظة: لو هيتم تنفيذ هوليود سمايل باستخدام الفينير أو عدسات الأسنان، هتزيد خطوتين على الخطوات السابقة، وهما:

1. أخذ مقاسات الأسنان الأصلية -من حيث الشكل والطول والحجم- المراد عمل هوليود سمايل لها، ثم إرسالها إلى المعمل لصنع عدسات خاصة مناسبة  لأسنانك من حيث المقاسات ودرجة اللون.
2. إزالة طبقة من مينا الأسنان تقريبًا 2 ل 3 ملم وهو سُمك العدسات التي سيتم وضعها على الأسنان.
3. الخطوة دي هي خطوة إضافية وتتمثل في اللجوء لعمل تبييض الأسنان بأي طريقة من طرق تبييض الأسنان قبل تركيب الفينير أو اللومينير في حالة تركيب عدسات الأسنان، وقبل تركيب الاسنان الزيركون أو الايماكس؛ لأن الدمج بين استخدام طريقتين لعلاج الاسنان بيؤدي لنتيجة أفضل في هوليود سمايل في حالة أن لون الأسنان الأصلية داكنة بشدة.

هوليود سمايل باستخدام الفينير وعمل تركيبات للاسنان هما طريقتين علاج وتجميل لكن لكل واحدة منهم اسباب ونتيجة مختلفة، حتى لو في ظاهر الموضوع بيبقى الاتنين نتيجتهم إن شكل الاسنان فيهم أحسن.
1- هوليود سمايل باستخدام الفينيرز
أولاً هي عبارة عن قشور مصنوعة عشان تداري المشاكل الجمالية زي البقع وتصبغات الاسنان وتشققات الاسنان.
ثانيا: لما بتعتني بأسنانك وبنظافتها ممكن تستمر فينيرز الاسنان فترة ممكن تزيد عن 15 سنة.
——-
2- أما تركيبات الزيركون أو الزيركونيا
أولاً هي عبارة عن تيجان هدفها مش بس تحسين مظهر الابتسامة لكن هي علاج مناسب للي عندهم تآكل في الاسنان أو كسور أو حتى فقد سنة بشكل كامل.
ثانيا مع اعتنائك بأسنانك ونظافتها مع الاهتمام بتنظيف التركيبات الثابته ممكن تستمر مدى الحياة.

“من أحد الاسباب اللي بتخلي الناس تتردد إنها تعمل ابتسامة هوليود هو خوفها على الاسنان من البرد وضعف طبقة مينا الاسنان، عشان كده دايما بيجيلنا اسئلة من نوعية هل ممكن اعمل ابتسامة هوليود من غير برد لاسناني؟

في الحقيقة فيه قشور فعلا بتستخدم وبتكون بدون برد أو برد بسيط جدا للاسنان وهي قشور الليمونير،
لكن بوجه عام الدكتور بيحدد حسب الحالة هل الاسنان محتاجة عدسات ليمونير ولا فينير تقليدي ولا غيرهم.”

فيه أشكال وأنواع كتيرة ومتعددة لابتسامة هوليود من أشهرها 4:

1- عدسة الفينير
2- عدسة الايماكس
النوع ده من العدسات بيتميز بإنه وزنه أخف وأرفع من البورسلين التقليدي للاسنان، ده معناه إنه بسهولة يقدر يكون مناسب لاسنانك مع برد بسيط جداً، من مميزاتها كمان إنه أقوى بشكل كبير، لو اعتنيت بأسنانك بشكل مناسب واهتمين بنظافة اسنانك والعدسات ممكن تستمر معاك لأكتر حتى من 20 سنة.
———
3- ابتسامة هوليود ثلاثية الابعاد
ابتسامة هوليود الـ 3d دقيقة جداً لأنها بتستخدم في التصوير المتوازي ليها تقنية المسح الضوئي والليزر عشان تحقق مسح دقيق جداً بالألوان.
———
4- قشور البورسلين
قشور البورسلين من أفضل طرق عمل ابتسامة هوليود، لأنها بتدي مظهر جمالي عالي جداً بالإضافة لانها قوية لكن مش بنفس قوة عدسات الايماكس

هوليود سمايل المتحركة معروفة بـ ابتسامة هوليود الفورية؛ لكنها مؤقتة وبتكون عبارة عن قالب لونه أبيض عن لون الأسنان الأصلية بدرجة أو درجتين؛ والقالب دا ممكن يتركب أو يتقلع في أي وقت زي ما الشخص يحب.

وبسبب أن تكلفة اسنان هوليود المؤقتة أقل من تكلفة تكلفة ابتسامة هوليود في مصر، بيكون في إقبال على تنفيذها من ناس كتير؛ لكن من عيوبها انها مش ثابتة و أن قالب لازم يتم تنظيفه بشكل مستمر وإلا هتزيد مشاكل الاسنان زي مشكلة التسوس وتآكل الاسنان.

قوالب هوليود سمايل بيتم تنفيذها مخصوص على حسب شكل و حجم اسنان كل شخص، علشان كدا لازم تروح لدكتور متخصص في عمل هوليود سمايل لأخذ المقاسات وارشادك للتعليمات الضرورية زي تنظيف القالب بشكل مستمر لمنع تراكم البكتيريا والجراثيم، وفي الأغلب تنظيفها بيكون باستخدام مضاد حيوي أو محلول خاص، علشان تستمر هوليود سمايل الفورية لأطول مدة ممكنة.

ابتسامة هوليود ثلاثية الابعاد هي تقنية هدفها الاساسي الدقة الشديدة في عمل هوليود سمايل، وبالتفصيل هي عبارة عن تصوير عالي الدقة بيوصل الدكتور إنه قادر يشوف كل تفصيلة في أسنانك ويصورها ويعمل مجسم بيحاكي بالظبط شكل اسنانك وده بيضمن إن قشور الاسنان او الهوليود سمايل تبقى مناسبة ليك بالظبط وتحقق هدفها بدرجة مثالية وهي إن ابتسامتك تبقى طبيعية وجميلة

ابتسامة ايماكس هي عبارة عن نوع تاني من قشرة البورسلين، مصنوعة من سيراميك زجاجي ثنائي سيليكات الليثيوم. بتعتبر تركيبات الايماكس من أفضل قشور البورسلين والسيراميك.
مميزاتها:
قوية ومتينة.
أكثر مرونة من باقي القشور وليها قدرة على التكيف بسهولة.
شكلها طبيعي جداً وشفافة.
بتندمج في اللثة.
كل المميزات دي وغيرها بتخليها قادرة تدي شكل ابتسامة طبيعي وحيوي وابتسامة جميلة جداً.

بينصح دكاترة الأسنان بإتباع عادات صحية سليمة للحفاظ على صحة أسنانك في حالة عمل هوليود سمايل، زي:

1. الامتناع عن التدخين بأكبر قدر ممكن.
2. عدم الإفراط أو التقليل من شرب منتجات الكافيين مثل القهوة والشاي.
3. الابتعاد عن المشروبات الغازية قدر المستطاع خصوصًا الملونة لأنها بتضعف الأسنان واللثة وبتتسبب في ثبات البقع على الأسنان.
4. العناية اليومية بالأسنان زي غسلها باستخدام فرشاة ومعجون أسنان مناسبين لحالة أسنانك خصوصًا بعد كل وجبة وبعد شرب منتجات الكافيين؛ لكن الإفراط في العناية بأسنانك ممكن يصيبها بالضعف ونزيف اللثة، فـ مرتين لـ 3 مرات في اليوم تكفي.
5. استخدام خيط الأسنان للتأكد من أن مفيش بقايا طعام بين الأسنان.
6. المضمضة بمحلول تنظيف الأسنان ممكن تعتبرها خطوة إضافية لمنع تكاثر وتراكم البكتيريا، وممكن الاستغناء عنها لو التزمت بالنصيحتين اللي فاتوا.
7. عدم استخدام أي وسيلة من وسائل تبييض الأسنان قبل الرجوع إلى الدكتور واستشارته مرة أخرى.
8. الابتعاد تمامًا تمامًا عن وصفات تبييض الأسنان بالمنزل أو كيفية عمل هوليود سمايل بالمنزل دون استشارة دكتور أسنان متخصص لأن دا ممكن ينتج عنه مضاعفات تضر صحتك وأسنانك.

من مشاكل ابتسامة هوليود خصوصاً باستخدام الفينير التقليدي هي إنها عشان تتم بيحصل برد للاسنان، عشان كده فيه ناس كتيرة بتلجأ لابستامة هوليود المتحركة واللي بيتقال عليها كمان سناب اون سمايل.
وهي باختصار عبارة عن طبقة فينير قابلة للإزالة شبه التركيبات المتحركة بس الفرق هنا إن هدفها الاول والاساسي هو مظهر جمالي للاسنان بدون برد.

أهم مميزات ابتسامة هوليود المتحركة:
1- بتتعمل من غير ما تضر مينا الاسنان لانها بدون برد.
2- تكلفتها اقل من ابتسامة هوليود.
3- بتتعمل في وقت قصير جداً ممكن تحتاج جلستين بس.
——
بالنسبة للسلبيات:
1- شكلها غير طبيعي مقارنة بابتسامة هوليود العادية.
2- ممكن تخرج من الفم أثناء المضغ زي التركيبات المتحركة.
3- شكلها غير مستقر داخل الفم عشان كده ممكن تبان إنها بتتحرك.
4- مش بتدوم لفترة طويلة مقارنة بابتسامة هوليود العادية فممكن تحتاج استبدالها مثلا بعد 3 أو 4 سنين.

بسبب اختلاف المصطلحات عدسات الفينيز وهوليود سمايل وغيرها، سؤال الفرق بينهم بيتكرر كتير، لكن في الحقيقة السؤال نفسه فيه مشكلة وده لان الهوليود سمايل هي النتيجة اللي بتحصل عليها لما بتركب لاسنانك الفينير او غيرها، بمنى إنه ابتسامة هوليود بيتم فيها تركيب عدسات او قشور متصممة بشكل دقيق عشان تلائم اسنانك، القشور دي ممكن تكون مصنوعة من الفينير مثلاً.

فيه ناس كتير بتقول ممكن أعمل تبييض الاسنان بدل هوليود سمايل باعتبار إنه كمان أقل بكتير في التكلفة؟ والحقيقة إن هوليود سمايل والتبييض مختلفين عن بعض تماماً تقريباً!

تبييض الاسنان هو هدفه بشكل أساسي علاج التصبغات وتغيير لون الاسنان الغير متناسقة للون الابيض الطبيعي،

أما هوليود سمايل فمش بس بتعالج لون الاسنان، هي كمان بتعالج شكل وحجم ولون وكسو ر الاسنان عشان ترجع شكلها طبيعي وجميل تاني.

الإجابة باختصار هي “لأ” وده لأن لون البورسلين مش بيتغير ، وده السب اللي بيخلي دكاترة الاسنان بينصحوا باستخدامه في عدسات الاسنان لانه بيحافظ على الابتسامة جميلة والاسنان بيضاء، لكن عشان ده يحصل مهم تحافظ على نظافة وصحى اسنانك وتبعد عن المشروبات زي القهوة اللي ممكن تضر بلون وصحة اسنانك.

تقدر تعمل هوليود سمايل لو حابب تزيد من وسامة ابتسامتك ومقدار ثقتك في تناسق لون أسنانك مع بعضها، وخصوصًا في الحالات دي:

1. بتعاني من اصفرار الأسنان بشدة لدرجة لا يمكن علاجها بطرق تبييض الأسنان في المنزل أو غيرها من الطرق التقليدية العادية.

   ملحوظة: في حالات مرضية لاصفرار الأسنان مش ناتجة عن العادات اليومية والحياتية اللي ممكن تتجنبها بسهولة، لكنها ناتجة عن بعض الأمراض أو نتيجة تناول أنواع معينة من الأدوية، زي حالة اصفرار الأسنان في فترة الشباب نتيجة استخدام المضاد الحيوي من نوع التتراسيكلين في مرحلة الطفولة. 

2. كسور الأسنان وفقدان جزء من السن واللي بيأثر بالسلب على شكل الأسنان، و دي مشكلة ممكن علاجها باستخدام تركيب الأسنان أو عدسات الأسنان.
3. شكل غريب للأسنان زي الأسنان اللي لها طرف مدبب أو مشرشر وغير متساوي، أو وجود أسنان غير متساوية في الحجم والشكل والطول.
4. وجود فرق في المسافة بين الأسنان ودا بيزيد من خطورة تراكم الطعام والجراثيم وبالتالي يزيد من خطورة الإصابة بأمراض الاسنان زي التسوس.

مميزات هوليود سمايل:
1- بتدي شكل طبيعي للاسنان .
2- بتحمي الاسنان من البقع المختلفة عشان كده بتفضل بيضاء لفترة طويلة.
3- بتساعدك تكون ابتسامتك جذابة وجميلة.
4- بتصحح بعض مشاكل الاسنان زي كسور وتشققات الاسنان والبقع والتصبغات.

أنا عيوب ابتسامة هوليود هي:
1- غير ممكن نزعها بسهولة .
2- غير قابلة للإصلاح لو حصلها تشققات بسب عدم الاعتناء بيها.
3- سعر ابتسامة هوليود مكلف مادياً.
4- ممكن تسقط من الاسنان نتيجة بعض العادات الضارة زي:
– عض الاقلام.
– تقليم الاظافر عن طريق الاسنان.
– تكسير التلج أو مضغ التلج بالاسنان.
– فتح العلب باستخدام الاسنان.

أول حاجة بتيجي في التفكير هي إن اسنان الهوليود لازم تكون أكثر درجة بياض وإن الهدف الاول منها هو الحصول على ابتسامة مشرقة، لكن في الحقيقة مش من الافضل التركيز على النقطة دي (لازم الاسنان تكون اكتر درجة بياض موجودة) وواحنا بنختار اللون مهم نشوف الملائم لكل حالة، فمثلا من الافضل اختيار درجة لون بياض الاسنان بنفس درجة لون بياض العين، وده عشان ميكونش فيه اكتر من درجة لون ابيض في الوجه وده يسبب ازعاج.
تاني حاجة من الافضل نراعي لون البشرة واحنا بنختار درجة لون الاسنان عشان تبان طبيعية اكتر، مثلاً اصحاب البشرة الفاتحة من الافضل اختيار اللون الأبيض، وأصحاب البشرة السمراء من الافضل اختيار درجة لون أبيض أقل.

الفرق بين الكراونز وابسامة هوليود باختصار هو إن:
– ابتسامة هوليود علاج تجميلي بهدفه الاول، بمعنى إنها بتقدر تخفي تصبغات وبقع الاسنان والاسنان المتشققة عشان ابتسامتك تبقى جذابة.

– أما الكراونز أو تركيبات الاسنان هي علاج هدفه الاساسي تعويض السنة المكسورة او المخلوعة عشان ترجع تمارس حياتك بشكل طبيعي.

حساسية الاسنان بعد الفينير هي وبعض المشاكل التانية أحيانا بتظهر على المرضى خصوصاً لو حصل برد كتير للاسنان،
وده لأن برد الاسنان بيضر طبقة مينا الاسنان ودي الطبقة اللي بتحمي الاسنان نفسهاعشان كده وارد المريض يحس ببعض الاعراض دي:
1- حساسية الاسنان وتحديداً الحساسية من الحرارة (هتظهر مع المأكولات والمشروبات السخنة جداً والباردة جداً)
2- التهاب اللثة وده بيكون مؤقت جداً لبعض الايام بس ولو زادت عن كده ارجع للدكتور.
3- زيادة افراز اللعابوده بردو مؤقتا لحد ما تتكيف عدسات الاسنان داخل فمك .

بالنسبة لأغلب الناس العلامات والألم ده بيتلاشى خلال اسبوع او اسبوعين ولو زادت عن المدة دي ارجع للدكتور.