تقويم الأسنان خصوصاً التقليدي والسيراميكي (أي نوع إلا التقويم المتحرك) بعد ما بتركبه بتحس بحاجة غريبة في الفم وشفايف بتلزق في التقويم والتعامل بيكون صعب وموتر، بس كل ده بيكون لمدة 24 ساعة بس، بتبدأ تحس بألم و”قريفة” لأن أسنانك بتتحرك بالتالي بتسببلك ألم بس ده بردو بيكون في أول 48 ساعة بس من تركيب التقويم.

بعدها بيبدأ الفم يتعود على الجسم الغريب ده في الفم وتتعامل بشكل طبيعي بس عشان تحافظ على التقويم مهم تلتزم بتعليمات الدكتور واللي أهمها تجنب أكل الأطعمة الصلبة زي المكسرات، واتجنب تقطم التفاح والجزر وغيرهم من الخضروات والفواكه الصلبة! 

• يعني هقعد طول فترة التقويم ماكلش تفاح وجزر؟ 

لأ طبعاً هتاكل كل الأكل لكن قطعُه بالسكينة وكُل قطع صغيرة وامضغها بشكل طبيعي لكن اتجنب القطم.

في مصر سواء في عيادتنا أو لأ هتلاقي أفضل جودة ممكن تحصل عليها بقيمة أقل من سعر ٩٠٪؜ من دول العالم. وده بسبب عوامل كتير وهو كفاءة دكاترة الأسنان في مصر اللي بيجيلهم ناس من كل أنحاء العالم، واهتمام العيادات بالتعقيم خصوصاً من بعد فترة كورونا،
وبرغم كل أسباب الكفاءة والجودة إلا إنها أقل في السعر بردو بسبب سعر العملات وبسبب كمان إنك بتقلل على نفسك تكاليف السفر وغيره من التكاليف الإضافية للعلاج.

احنا في وايت اند برايت White & Bright Dental Center مش افضل عيادة اسنان في مصر من حيث شهرة الدكاترة والفريق الطبي، لكن بنقدملك أفضل خطة علجية مكثفة مع المتابعة الدورية، وبنختارلك الأنسب لحالة أسنانك وللنتيجة حتى لو هنختارلك الأنواع الأوفر والأقل تكلفة طالما هي المناسبة ليك.

وده مش كلامنا ده كلام عملائنا اللي شرفونا في عيادتنا، ومن هنا تقدر تشوف الآارء دي بالتفصيل.

العمر المناسب لتطبيق علاجات الاسنان بيرجع لأكتر من عامل منهم الحالة الصحية وحالة الأسنان، بالنسبة لتقويم الاسنان بيتم تحدد العمر المناسب بعد تبديل الاسنان، يعني بعد ما الطفل يبدل أسنانه من الاسنان اللبنية إلى الاسنان الدائمة، نبدأ نفكر هل هو فعلا محتاج تقويم ولا لأ.

ملحوظة مهمة: سعر تقويم الأسنان بيزيد كل ما بيزيد العمر، لأن جذور الاسنان بتزداد في الثبات وبتكون أصعب في إنها تتحرك وبالتالي بيزيد سعر تقويم الاسنان.

خطوات تركيب الاسنان شبه ثابتة في أي عيادة أسنان، ومهم كل خطوة تتعمل بدقة عشان تتم تجنب أي آثار جانبية أو مشاكل بعد تركيب تقويم الأسنان.

• الخطوة الاولي: فحص الأسنان والحالة الصحية للفم والتأكد من إن التقويم هو العلاج المناسب و بيتم كمان اختيار أنسب نوع تقويم.
• الخطوة التانيه: تنظيف الأسنان من أي بقايا أكل (بدون ألم)
• الخطوة التالته: تلميع الأسنان (Polishing) بعد تنظيفها في الخطوة الاولي بشكل عام
• الخطوة الرابعة: تثبيت البراكيت او الفصوص والاسلاك على الأسنان (بدون ألم)
• الخطوة الخامسة: المتابعة مع الدكتور المعالج كل شهر تقريباً أو كل 3 شهور حسب الحالة. 

خلي بالك الخطوة الخامسة ممكن من برا كده تبان أقل أهمية وفي الحقيقية هي أهم خطوة لو التزمت بيها هتضمن نجاح ونتيجة تقويم الأسنان.

•  لو في اعوجاج في أسنانك، يعني الأسنان مش مرصوصة على نصف دائرة.
• لو بتسمع صوت طقطقة ملحوظة في الفك عند فتح وقفل الفم.
•  لو الفكين مش بيطبقوا على بعض بطريقة مريحة و سليمة.
•  لو حسيت بتشنجات في الفم و أجزاء الوجه المحيطه بالفم.
• لو عندك فراغات بين الأسنان او المعروفة بـ “الفلجة”.

من ناحية التقويم نفسه (كفصوص وسلك) مفيش أي مشاكل أو خطورة من أي نوع، لكن عشان نكون صادقين فيه مشكلة من ناحية الأشعة اللي بتكون قبل عملية تقويم الاسنان، فهي أحيانا ممكن تأثر على الجنين، علشان كده بننصح الأم في فترة الحمل الأولى (أول 3 شهور) أو في فترة الحمل التالتة (آخر 3 أشهر) انها تأجل الأشعة شوية، أما لو في الشهر الخامس متاح الأشعة في الفترة دي بدون أي قلق أو خطورة على الجنين.

ملحوظة مهمة: أجهزة الأشعة حاليا بقت متطورة جداً، و نسبة الإشعاع فيها ضئيلة بشكل ميمثلش أي خطورة على الأم أو الجنين، لكن احنا بنتجنب الآشعة في الأشهر دي أياً كان نسبة الإشعاع اللي فيها خوف على صحة الأم وصحة الجنين.