كل اللي محتاج تعرفه عن تقنية زراعة All On Four وازاي تجهز نفسك ليها؟
لما بتتعرض لفقد أكتر من سنة أو كل الأسنان بالتحديد، أول حل بييجي في بالك هو زراعة الأسنان، وده لأنها حل دائم للمشكلة ونتيجة كمان تقدر تقول عليها قريبة من الأسنان الطبيعية وده لأنها أسنان ثابتة.
بس يمكن أكبر مشاكل بتيجي في بالك وقتها وتخليك ممكن تتراجع عن الفكرة رغم أهميتها هو التكلفة العالية لزراعة كل الأسنان، وتاني مشكلة هي إن العملية ممكن تكون مؤلمة جداً وصعبة بردو لنفس السبب وهو زراعة عدد كبير من الأسنان.
عشان كده تقنية زراعة All On 4 ممكن تكون حلت جزء كبير من المشاكل دي، إيه هي تقنية زراعة All-on-4 وازاي بتتم بمراحلها وازاي تتأكد إنها مناسبة لحالة أسنانك، ده اللي هكلمك عنه بالتفصيل في المقال ده في شكل 7 أسئلة .
إيه هي زراعة الأسنان بطريقة “All-on-4” أو “All-in-4” ؟
إيه هي زراعة الأسنان بطريقة “All-on-4” أو “All-in-4” ؟
زراعة الأسنان “All-on-4” عبارة عن تقنية متقدمة في مجال زراعة الاسنان بتفيد جداً الحالات اللي تم فيها فقدان كل الأسنان، واسمها “All-on-4” أو “All-in-4” لأن اللي بيحصل فيها هو استخدام 4 زرعات بس، في الفكين (كل فك زرعتين بس) وبيتركب فوقيهم جسر أو تركيبات أسنان ثابتة.
كل ده بيتم بتقنية CT scan (تقنية تحديد مواقع الجراحة والأسنان عن طريق التصوير المقطعي) عشان تضمنلك إن ابتسامتك الكاملة وحياتك الطبيعية هترجع وأسنانك مستقرة بشكل مناسب.
بس عشان كل ده يتم بالشكل المطلوب لازم تتوفر عوامل وتتم خطوات معينة بردو هنتكلم عنها في باقي المقال.
2- هل الفرق بينها وبين زراعة الأسنان التقليدية التكلفة بس؟
لكل حالة من حالات فقد الأسنان طريقة العلاج الأنسب ليها سواء زراعة الأسنان “All-on-4” أو الطريقة التقليدية أو علاج تاني زي تركبيات الأسنان.
وفي حالتنا هنا مهم تعرف إن كل نوع من نوعين زراعة الأسنان ليه مميزاته وعيوبه، والدكتور بعد فحص حالة الأسنان وكمية العظم الموجودة بيحدد أنسب طريقة منهم، والجدول ده فيه مقارنة مبدأية بين النوعين
| زراعة الأسنان "All-on-4" | زراعة الأسنان التقليدية |
| 4 زرعات (مسامير) بس | زراعة (مسار) لكل سن |
| في حالة فقد كل الأسنان | في حالة فقد كل الأسنان أو سن واحد |
| تكلفة أقل | تكلفة أعلى |
| في حالة فقد زرعة واحدة بتخسر عدد أسنان كبير | في حالة فقد زرعة بتخسر سِنة واحدة |
| عملية جراحية واحدة | عملية واحدة أو أكتر |
| فترة شفاء أقل نسبياً | فترة شفاء أطول |
هل معنى كده إنك ممكن تختار مثلا طريقة زراعة الاسنان All On 4 لو لقيت إنها أفضل كتكلفة ووقت؟
الإجابة لأ، لأن لازم الدكتور يعمل الفحوصات اللازمة اللي تأكد إن نوع العلاج ده هو الأنسب لحالتك
3- إيه أهم العوامل اللي بتحدد هل زراعة الأسنان All On 4 مناسبة ليك ولا لأ؟
3- إيه أهم العوامل اللي بتحدد هل زراعة الأسنان All On 4 مناسبة ليك ولا لأ؟
حالات متنفعش ليها زراعة الأسنان All On 4
في بعض الحالات مع الأسف زراعة الأسنان All in 4 مش بتكون مناسبة ليها، سواء لأن نسبة نجاح العملية في الحالة دي هتكون قليلة أو إنها وارد تسبب مضاعفات للمريض ومن الحالات دي:
ملحوظة:
كل الحالات والعوامل اللي اتكلمنا عليها هي عامة ومتغنيش عن استشارة الدكتور المتخصص في زراعة الاسنان.
4- إيه هي التحضيرات اللازمة قبل العملية؟
5- ازاي تتأهل نفسياً للعملية؟
5- ازاي تتأهل نفسياً للعملية؟
بالإضافة إن ألم الأسنان دايماً بيكون كبير عند معظم الناس فبالتحديد عملية زراعة الاسنان من العمليات الشائع عنها إنها عملية مؤلمة جداً
(وده حالياً مش حقيقة بنفس التصور، لأن مجال طب الأسنان اتطور جداً وبقى فيه تقنيات تسهل العملية وتقلل الشعور بالألم بجانب استخدام المخدر الموضعي)
لكن برغم كل ده إلا إن المريض قبل العملية بيكون متوتر وخايف جداً، عشان كده فيه بعض النصايح اللي ممكن تساعد في التحضير نفسياً للعملية منهم:
6- ازاي بتتم زراعة الأسنان All On 4 (الخطوات والمراحل)؟
1- الفحص وتقييم الحالة
أول خطوة في زراعة الأسنان بتكون قبل العملية وهي الفحص الشامل للأسنان والتأكد من حجم العظام وصحة اللثة زي ما وضحنا فوق في العوامل اللي بتتحدد على أساسها هل العملية مناسبة ليك ولا لأ.
2- الجراحة أو الزراعة
المرحلة دي بيبدأ الدكتور أو الفريق الطبي المتخصص بتخدير الفم (مكان الأربع زرعات) وبعدها بيتم إزالة بقايا الأسنان التالفة لو موجودة، بعدها بيتم تثبيت الأربع زرعات في الفكين العلوي والسُفلي،
3- التركيبات المؤقتة
التركيبات المؤقتة أو جسور الأسنان بيكون هدفها توفير مظهر طبيعي للأسنان خلال فترة الشفاء ودي بيتم تركيبها يوم العملية.
4- التئام الجرح والعظام
بعد العملية بيكون فيه فترة تعافي بتختلف من شخص لشخص، لكن الدكتور بيحددلك متوسط الفترة دي بيكون كام حسب حالة أسنانك وحالتك الصحية، ومهم جداً في المرحلة دي تنفذ كل تعليمات الدكتور والنصايح اللي هنكلمك عنها في آخر المقال.
5- التركيبات الدائمة
بيتم تصميم التركيبات الثابتة حسب شكل وحجم الفم وبيتم تركيبها فوق الـ 4 زرعات بعد فترة الشفاء
6- المتابعة بعد العملية
المرحلة دي ممكن تكون أهم مرحلة من الـ 6 في تحديد نسبة نجاح العملية (عدم فشل زراعة الأسنان)
لأنها لو متمتش بالشكل المطلوب وبوقت الزيارة اللي بيحدده الدكتور حتى لو مش حاسس بأي ألم في أسنانك، فمع الأسف ممكن تتسبب في مشكلة يكون نتيجتها خسارة الزرعة والأسنان،
وده لأن معظم مشاكل الأسنان بتحصل ومش بتحس بالألم إلا بعد ما المشكلة تكبر وتزيد، وده بيسبب إن حلها يكون مكلف أكتر وياخد وقت أكبر.
7- إيه المطلوب منك بعد العملية؟
زي ما اتكلمنا في الجزء اللي فات إن مرحلة ما بعد العملية من أهم المراحل اللي بتساعدك تضمن أكتر نجاح عملية زراعة الاسنان، عشان كده فيه بعض النصايح والتوجيهات العامة اللي مهم تخلي بالك منها زي:
- D العناية بصحة الأسنان الأسنان المزروعة بتحتاج عناية زي الأسنان الطبيعية بالظبط، فلازم تحافظ على غسل أسنانك بانتظام، وتنظيفها بخيط الطعام بعد الأكل، واستشير الدكتور لو هتستخدم مضمضة كمان لأسنانك.
- Dالتغذية السليمة من أهم النصايح في التغذية هي الاهتمام بأكل الخضروات والابتعاد عن الأكلات اللي فيها نسبة سكر عليه، المياه الغازية، الأطعمة اللزجة والابتعاد كمان عن الأطعمة الصلبة زي المكسرات.
- Dالابتعاد عن العادات الضارة من أشهر الأمثلة على العادات الضارة للأسنان عموماً خصوصاً بعد عملية زراعة الاسنان هي الضغط على الأسنان أو العض.
- Dالابتعاد عن التدخين التدخين من العادات الضارة على كل الزوايا الصحية لكن كمان في الأسنان هو بيتسبب في تأجيل الشفاء والتئام الجرح والتهابات اللثة وده بيأثر على استقرار الأسنان المزروعة
تقنية زراعة الأسنان All in 4 من التقنيات المفيدة لمعظم حالات فقد الأسنان، احجز دلوقتي استشارة مجانية مع فريق وايت اند برايت white & Bright المتخصص واتأكد هل هي طريقة علاج مناسبة لحالتك ولا لأ
اخر مقالاتنا
