تغيير كامل لمظهر الاسنان الامامية مع عدسات الاسنان

سعر عدسات الاسنان في عيادة وايت اند برايت :

الأيماكس: 5000 جنيه.

سعر عدسات الاسنان في عيادة وايت اند برايت وبالتحديد  سعر الايماكس 5000 ج

الفرق بين الفينير واللومينير من حيث النتائج:

• كلاهما يعطى نفس المظهر للأسنان ,هو المظهر الأقرب للطبيعي.

• كلاهما يؤدى الى ابتسامة متناسقة مع بياض اكثر زي ابتسامة هوليود.

• كلاهما يعالج الفجوات الموجودة بين الأسنان.

• سواء الفينير او اللومينير كلاهما مصنوع من مادة قوية وشديدة التحمل.

• ليس من السهل ان يتغير لون اي منهما أو يفقد شكله الطبيعى.

عدسات الاسنان ثلاثية الابعاد هي تقنية حديثة بيستخدم فيها دكتور عدسات الاسنان تقسيم بصري مع إضاءة منظمة، التقنية دي مميزة بالدقة الشديدة اللي بتمكن الدكتور إنه يشوف كل تفصيلة في الاسنان من الداخل عن طريق صور عالية الجودة،

فيقدر يعمل نموذج بيحاكي بالظبط الاسنان و يحدد الحجم والمقاس المطلوب عشان الابتسامة تكون حقيقة ودقيقة وطبيعية بأعلى درجة ممكنة.

قشور الزيركون أو الزيركونيا من اكتر العدسات الشائعة والمنتشرة في مجال طب الاسنان التجميلي، وده لانها مميزة بإتها تشبه الاسنان الطبيعية بشكل كبير، مميزة كمان بإنها شفافة فبتكون مناسبة للاسنان الاماميةعشان تحقق مظهر جمالي مثالي للاسنان،
3- تالت ميزة في عدسات الاسنان المصنوعة من الزيركون هي إنها قوية جداً وتقدر تستخدمها بأمان على الاسنان الخلفية لانها بتستحمل المضغ. 4- رابع حاجة هي إنها مش بتسبب الحساسية للاسنان.

الكومبوزيت فينير هو عبارة عن قشرة مصنوعة من مادة الراتنج، ودي مادة بلاستيكية بتتشكل عشان تناسب شكل الاسنان، من مميزاتها إنها:

1-أقل تكلفة من البورسلين.

2- بيكون شكلها جميل وبتدي ابتسامة جذاابة وطبيعية.

3- لما تحافظ عليها وعلى صحة اسنانك بتستمر من سنتين لخمس سنين وممكن أكتر.

 اللومينير يعتبر نوع من انواع الفينير فى حد ذاته حيث انه اسم من الأسماء التجارية الشهيرة، وتتميز التركيبة الخاصة باللومنير بصناعتها من مادة  Cerinate وتتميز هذه المادة بالقوة الشديدة مع قوة التحمل و سمك ارق من الفينير ولكن اللومينير يحتاج الى دقة ومهارة كبيرة فى التركيب لأنه يكون طبقة رقيقة جداً، غير انه بياخد وقت كبير للتركيب  ولذلك اسعار اللومينير في مصر وخارجها بتكون اغلى الضعف تقريبا عن اسعار فينير الاسنان، على سبيل المثال سعر الفينير للسن الواحد في مصر (200$) اما اسعار اللومينير فى مصر للسن الواحد قد يصل إلى أكثر من (400$) غير انه ميقدرش يعالج المشاكل اللي بيعالجها الفينير، يعني مثلا اخر حاجه ممكن يحلها اللومينير هي مشكلة تباعد الاسنان (بشكل طفيف).

الاثنين وجهان لنفس العملة، بمعنى اننا لو قلنا ان سعر ابتسامة هوليود في مصر 2024 يبدأ من 3889 جنيه مصري للسنة الواحدة؛ نفس الكلام ينطبق بالضبط على اسعار عدسات الاسنان أو سعر الفينير للسن الواحد في مصر لأنهم جملتين معناهم واحد، ولكن لو انت بتدور على هوليود سمايل فمينفعش تعمل سنتين بس،  يعنى ممكن نقول ان هوليود سمايل هى النتيجة اللى بتوصلها لو ركبت عدسات اسنان او فينير لمجموعة الاسنان الامامية كاملة.

عدسات الايماكس من الحلول المثالية لتجميل الاسنان، وده لأنها بتتميز بقوتها وإنها أقل عرضة للكسر أو التشقق عشان كده لو اعتنيت بيها بشكل صحيح واهتميت بنظافة اسنانك هتستمر لسنين أطول وممكن لمدى الحياة،

من أهم مميزات عدسات الايماكس إنها شفافة وبتشبه درجة بياض مينا الاسنان الطبيعية أكتر من تركيبات الزيكون، وبالتالي صعب جداً حد يلاحظ إن دي عدسات متركبة .

قشور البورسلين أو عدسات البورسلين هي عبارة عن قشور مصنوعة من الخزف الرقيق جدا عشان كده هي مناسبة جداً للتركيب في الاسنان الامامية لأن من أهم مميزاتها انها بتدي مظهر طبيعي وجذاب للاسنان، لأن قشور البورسلين دي مصنوعة بالتحديد عشان تكون مناسبة للفم وتديه ابتسامة جميلة، باقي المميزات هي:

2 – لما بتهتم بقشور البورسلين وبتحافظ على نظافة اسنانك بتستمر لعمر طويل جداً ممكن تزيد عن 10 او 15 سنة.
3- فترة تعافي الفم بعد تركيبها بتكون فترة قصيرة والتعافي بيكون سريع.
4- قشور البورسلين مش بتتغير لونها طالما بتحافظ على نضافتها.

تحكم فى المظهر:
الفينير بتخليك تتحكم في لون أسنانك وشكلها، وبتجمل شكل ابتسامتك لأنها بتمكنّا من إعادة تصميم الاسنان بالكامل ودا اللي بنسميه ابتسامة هوليود او عدسات الاسنان. 

 بدون أي ألم: 
عدسات الاسنان بتمسك في السنة بشكل كيميائي وبالتالي مش بنحتاج نعمل أي تحضير غير اللي بيكون على السطح الخارجي للسنة.

عدسات الاسنان او الفينير نفسه مش بيكون فيه اي مشكلة، مهما كان سعر عدسات الاسنان غالي او رخيص او تم تركيب عدسات الاسنان في مصر او غير مصر ومهما اختلفت من حيث الخامات؛ لكن رائحة الفم كريهة اللي بتظهر بعد تركيب عدسات الاسنان او الفينير بتكون بسبب:

1- قلة الإهتمام بصحة الفم: الأسنان نفسها دائما بتكون معرضة للتآكل بسبب البكتيريا اللي بتكون في الفم، لكن مع العناية بنظافة الفم بالفرشاة والمعجون والمضمضة البكتيريا دي هتختفي بشكل تدريجي وبالتالي رائحة الفم الكريهة مش هتكون موجودة.

2- جودة التعقيم في عيادة الاسنان: لو جودة تعقيم الاسنان ضعيفة هتفضل بكتيريا الفم تحت عدسات الاسنان ومع الوقت رائحة الفم الكريهة هتظهر وتزيد، يعنى هنا ممكن نقول ان السبب عدسات الاسنان ولكن ليس فى النوع او البلد اللى اتعمل فيها الفينير ولكن فى عدم التجهيز الجيد للفم قبل تركيب الفينير.

3- لو عدسات الاسنان مش متركبة صح: والنقطة دى راجعة ليك انت في قرارك في اختيار دكتور الاسنان لازم يكون مبنى على وجود حالات فعلا ناجحة لان ممكن الدكتور يركبلك عدسات الاسنان او ما يسمى الفينير بشكل خاطئ، فيكون فيها ثقوب او كسور وتجمع تحتها بكتيريا، ومن هنا تظهر رائحة الفم الكريهة.

4- أمراض اللثة: قبل لما تركب عدسات الاسنان لازم دكتور الاسنان يتأكد من صحة اللثة، لأن لو فيها أمراض هيكون فرصة البكتيريا انها توصل للسنة نفسها أكبر.

ملحوظة مهمة: بعد تركيب عدسات الاسنان؛ لو كنت بتحافظ على الفم بس لسه رائحة الفم غير جيدة، اتأكد عند دكتور اسنان أن عدسات الاسنان ملائمة ولا لأ، لأنها هتكون هي السبب.

1- لما تكون عندك سنة او اكثر مكسورة، او فيها خلل من حيث الشكل زى الثقوب او اعوجاج.

2- لو عندك تصبغات على الاسنان مينفعش تتعالج.

3- لو عندك فراغات بين الاسنان (مش فقد سنة).

ملحوظة مهمة: عدسات الاسنان مش بتعالج تسوس الاسنان، بالعكس لازم اي تسوس أو تآكل فى الأسنان او امراض اللثة يتعالج قبل تركيب عدسات الاسنان.

– حافظ على نظافة اسنانك واغسلهم باستمرار بالفرشاة والمعجون.
– ابعد عن تناول الأطعمة الصلبة زي المكسرات والحلويات الصلبة.
– اتجنب الكاتشب والشاي والخبز المحمص.
– استخدم خيط الطعام لتنظيف اسنانك من بقايا الطعام.
– حافظ على نظامك الغذائي وحاول تقلل السكريات.

الفرق بين عدسات الاسنان وتلبيسات الاسنان (التركيبات) هو فرق كبير جداً حتى لو الاتنين في النهاية بيخلوك تحصل على ابتسامة جميلة خالية من التشققات والبقع والتصبغات.

لكن باختصار شديد ، عدسات الاسنان هدفها الأول هو هدف تجميلي للحصول على ابتسامة طبيعية وجذابه، بتداري البقع والتصبغات وبتداري تشققات الاسنان.

لكن تركيبات الاسنان أو تلبيسات الاسنان هدفها الأساسي علاج للاسنان وحماية الاسنان المكسورة وتعويض الاسنان المفقودة.

ومن الفروقات بينهم كمان إن عدسات الاسنان بيكون سٌمكها حوالي 1 مل
أما التركيبات بيكون سمكها أكبر فبتكون حوالي 2 مل.

هل تبييض الاسنان وعدسات الاسنان بيوصلوا لنفس النتيجة؟
وليه معملش تبييض اسنان بس لأنه أكيد هيكون أقل تكلفة!

في الحقيقية التبيض وعدسات الاسنان مختلفين تماماً، لكن اللي بيحدد الأفضل هو دكتور الاسنان حسب حالة اسنانك هل هي محتاجة عدسات الاسنان ولا تبييض الاسنان هيكون كفاية، لكن مهم تخلي بالك إن من بعض الفروقات الموجودة بينهم هي إن التبييض حل قصير الأمد وأسنانك بتكون هي هي لونها بيتغير حسب بتاكل إيه وبتشرب إيه وبتهتم بيها ازاي؟
لكن عدسات الاسنان بتكون حل دائم طويل الأمد وغير قابلة للتصبغات أو تغيير اللون، بخلاف كمان إنها مش مجرد بتغير لون الاسنان هي بتداري العيوب الموجودة في الاسنان زي الاعوجاج البسيط أو تشققات الاسنان كمان.

بتتقسم على 3 زيارات

1. التقييم: في الزيارة دي بنقيم الحالة سواءاً كانت سنة مكسورة أو فراغات بين  الاسنان او لاخفاء اصفرار شديد لا يمكن معالجته بطرق اخرى، ثم يتم تحديد انسب لون من عدسات الاسنان ليتناسب لونه مع باقى الاسنان، وبعد كده بيتعمل نموذج لأسنانك بقالب خاص لذلك. 

2. البروفة:  في الزيارة دى بتجرب وتشوف عدسات الاسنان دى مناسبه ليك ولا محتاج اى تعديلات.

3. التسليم: دي بتبقى اخر زيارة، واللى فيها بنركب الفينير بعد ما نكون تأكدنا من شكلها ولونها وانها اقرب للأسنان الطبيعية من انها تكون عدسات للاسنان.

إيه الخطوات اللي بتتم قبل عدسات الاسنان بشكل نهائي؟
باختصار بتحجز جلسة مع دكتور عدسات الاسنان بيعرف فيها الدكتور إيه بالظبط اللي انت مستنيه من العدسات، وبيتأكد فيها الدكتور إن عدسات الاسنان هي الحل المناسب لاسنانك وللنتيجة اللي انت مستنيها ولا لأ.

قبل تركيب العدسات الاسنان بيفحص الدكتور أسنانك عن طريق تصوير اسنانك بالاشعة السينية عشان يتأكد هل فيه أي مشاكل في الاسنان لازم تتعالج قبل ما يركب عدسات الاسنان ولا لأ زي التسوس، تآكل الاسنان، أمراض اللثة، أو اعوجاج الاسنان بالشكل اللي يحتاج تقويم.

قبل ما الدكتور يركب الفينير بيزيل جزء من الاسنان (برد الاسنان) وعشان ميبقاش ده مؤلم بيستخدم الدكتور تخدير موضعي.

بعدها بيركب الدكتور عدسات مؤقتة لمدة اسابيع عشان تتأكد إنها مناسبة تماما ومفيهاش أي مشكلة عشان يتم تركيب عدسات نهائية أو تبلغ الدكتور لو فيه أي تعديلات.

عدسات الاسنان خصوصاً عدسات البورسلين، مقاومة للتصبغات فهي مش بيتغير لونها طالما بتحافظ على اسنانك، لكن مهم تفتكر إن ورا العدسات دي موجود أسنان طبيعية ممكن بسبب المأكولات والمشوبات وعدم الاهتمام بنضافة الاسنان تخلي القشور تبان وكأنها أغمق، لكن البورسلين في حد ذاته هو وعدسات الاسنان مش بيتغير لونهم.

تركيب عدسات الاسنان في الأغلب بيكون قبله مرحلة برد للاسنان أو حك في مينا الاسنان وده وارد يسبب حساسية الاسنان لكن الطبيعية إنها بتكون مؤقتة وبعدها بترجع الاسنان في حالتها الطبيعية اول ما الفم يتكيف مع وجود قشرة الاسنان بشكل طبيعي.
وخلال الفترة المؤقتة دي بتتصحك تخلي بالك من الأكل والشرب وتبعد عن المأكولات والمشروبات السخنة جدا أو الباردة جداً عشان تتجنب الإحساس بالألم الناتج عن حساية الاسنان.

الألم اللي بيحس بيه المريض بعد تركيب عدسات الاسنان هو ألم مؤقت بينتهي في أيام أو أسابيع ولو استمر فترة طويلة من الافضل زيارة دكتور عدسات الاسنان المتخصص.

الألم ده في الأغلب بيكون ناتج عن برد الاسنان وتركيب العدسة، عشان كده ممكن المريض يحس بأعراض حساسية الاسنان لفترة مؤقتة، فمن الأفضل خلال الفترة المؤقتة دي يتجنب المشروبات والمأكولات السخنة جداُ أو الباردة جدا عشان يتجنب الشعور بألم حساسية الاسنان.