fbpx

كل اللي محتاج تعرفه قبل ما تعمل زراعة الأسنان

سبتمبر 12, 2018

التقدم الكبير والمَهول في طب الأسنان، مكنش كافي إنه يوقف مشاكل الأسنان نهائياً اللي بتعاني منها البشرية، فبننصح الناس إنهم يهتموا ويحاولوا يعتنوا بأسنانهم قدر الإمكان عشان أسنانهم تفضل صحية وده بينعكس بشكل كبير جدا علي صحتهم العامة،، ولكن ده بردو مكنش كفاية إنه يمنع مشاكل كتير بتحصل لمعظم الناس وبتكون لأسباب صحية مُختلفة زي تسوس الأسنان، أو أمراض اللثة أو غيرهم. لسنين طويلة خيارات العلاج كانت قليلة ومحدودة، والخيارات المتاحة للأشخاص اللي عندهم أسنان مفقودة كانت استخدام الجسور أو أطقم الأسنان لكن بقي عندنا حل جديد وهو زراعة الأسنان.

يعني ايه زراعة الاسنان

زراعة الأسنان تم اختراعها في عام 1952 عن طريق جراح تقويم سويدي اسمه Per-Ingvar Brånemark ، زراعة الأسنان إنهاردة بقت هي الحل البديل لمشكلة الأسنان المفقودة.وعملية زراعة الأسنان بتعتمد علي استخدام مسمار من التيتانيوم بيتم وضعه في عظم الفك، والمسمار ده  بيكون مسموح ليه إنه يندمج مع العظم لأنه من التيتانيوم، وجود غرسة أسنان(اللي هي الأداة الجراحية اللي سبناها في عظم الفك) مدمجة في عظم الفك، هو أقرب ما يكون لمحاكاة السن الطبيعي لأنه بيقف من تلقاء نفسه من غير ما يسبب أي تأثير على الأسنان القريبة له ومتميز بإنه مستقر جداً في مكانه. وعملية الدمج بين زراعة الأسنان وعظم الفك بنسميها “osseointegration”. معظم انواع زراعة الأسنان بنصنعها من التيتانيوم، وده بيسمح ليها إنها تندمج مع العظم بسرعة جداً من غير ما الجسم يعرفها علي إنها كائن غريب موجود، ومع الوقت التكنولوجيا والعلوم اتقدموا لحد كبير جداً وده اللي خلي معدلات نجاح عمليات زراعة الأسنان ترتفع جداً لحد ما وصلت نسبة نجاحها لـ 98%؛ و النوع ده من التكنولوجيا كان ليه أثر كبير في زيادة اسعار زراعة الاسنان ، نظراً لتطور طب الاسنان، والاحتياج لحرفية أكبر من دكتور زراعة اسنان موثوق فيه.

امتى الشخص بيحتاج يعمل عملية زراعة الاسنان

زراعة الأسنان ممكن تستخدمها عشان تستبدل سن واحد أو مجموعة من الأسنان أو حتى كل الأسنان. والهدف من استبدال الأسنان هو إنك تستعيد وظيفة السن ده بشكل كامل وكمان تحسن من مظهره الجمالي.

و زراعة الأسنان مش لكل الناس، ولكن وجود بعض العوامل قادر إنه يخلي زراعة الأسنان هي الاختيار الأفضل زي :

  1.  وجود أكثر من سن مفقودة
  2. وجود عظم الفك اللي وصل للنمو الكامل
  3.   وجود أنسجة فموية صحية وجود كميات وافرة من العظام لتأمين زرع الاسنان
  4. عدم الرغبة أو عدم القدرة على ارتداء طقم الأسنان

في حالة إننا قررنا نبدأ في زراعة الأسنان فالجراح بيفحص المنطقة اللي هيتم الزراعة فيها وبيكون تقييم كامل إذا كان المريض يقدر يعمل زراعة للأسنان ولا لأ

اعرف من هنا اسعار زراعة الاسنان فى مصر مقارنة بدول تانية

مميزات عملية زراعة الأسنان

تحسين صحة الفم

زراعة الأسنان بتحسن صحة الفم. لأنها مش بتحتاج إنك تقلل في الأسنان التانية زي في حالة تركيب جسر اسنان مدعم مثلاً فبالتالي إنتَ بتحل مشكلة أسنانك في المنطقة المُصابة بس وده بيوفرلك صحة وسلامة أكبر لأسنانك الأصلية السليمة، وعلي المدي الطويل بيحسن صحة الفم.

شكل حقيقي و طبيعي لأسنانك

 زراعة الاسنان بتديك شكل طبيعي وحقيقي جدا وملائم لأسنانك الأصلية  فصعب جدا يبان اختلاف أو عدم تناسق فى المظهر العام فده بديك مظهر جمالى احسن و بيزود ثقتك في نفسك، لأن مين فينا ميحبش يبقي عنده الإبتسامة المثالية الجذابة اللي تخليك تضحك بشكل تلقائي في آي وقت، ومش محرج 

استبدال الأسنان المفقودة

زراعة الأسنان بتخليك تقدر تستبدل الأسنان المفقودة من غير ما تأثر على الأسنان اللي حواليها أو تضطر إنك تغيرها. بالإضافة لأن الغرسات السنية بتندمج تماماً مع البنية العظمية وبتكون مستقرة جدا

بتدوم لسنين كتير

 زراعة الأسنان متينة ودائمة وبتستمر مع العناية الجيدة سنوات كتير * تعرف تعد لحد كام ؟  وفي بعض من انواع زراعة الاسنان بتستمر مدي الحياة.

الأكل بيبقى أسهل

الأكل بيبقي أسهل بعد زراعة الاسنان، لأن مشاكل الأسنان بشكل عام او عدم اتساقها او وجود أسنان مفقودة زي ما قلنا بيخلي الأكل والقطع الصغيرة عُرضة إنها تنحشر بين الأسنان وده هيخلق نوع من عدم الراحة في الأكل، لكن زراعة الأسنان بتحل كل ده وبتخلق أسنان متساوية وليها مظهر صحي.

أسهل و مريحة أكتر من تركيب الاسنان

زرع الاسنان أخيراً بيتميز بالسهولة والراحة. ولأنه مش بيحتاج إضافات طبية معقدة تسبب ليك أي نوع من انواع الم زراعة الاسنان.

أنواع زراعة الأسنان

Z

زراعة الأسنان بالليزر

ليزر الأسنان عبارة عن أجهزة طبية بتستخدم الضوء المركّز بدقة لعلاج الأنسجة، ليها  بيكون أكثر دقة للطبيب وبيدي راحة أكبر للمريض.

Z

زراعة الأسنان تحت السمحاق

 يعني زرع الاسنان بيكون علي رأس عظم الفك تحت أنسجة اللثة، والنوع ده مبقاش مستخدم كتير نظرًا لضعف نتائجه على المدى الطويل مقارنة بزراعة الأسنان داخل الفك

Z

زراعة الأسنان تحت بطانة العظم

زرع الاسنان تحت بطانة العظم
يعني الزراعة “في العظم” يعني جوه عظم الفك

زراعة الاسنان بالليزر

زراعة الاسنان بالليزر بتتميز إن ليها عدد كبير من المزايا الإكلينيكية لما نيجي نقارنها بأي نوع تاني، وده طبعاً عشان بيكون أكثر دقة على الطبيب وبيدي راحة أكبر للمريض.

ليزر الأسنان عبارة عن أجهزة طبية بتستخدم الضوء المركّز بدقة لعلاج الأنسجة. مصطلح LASER هو اختصار لتضخيم الضوء عن طريق انبعاث الإشعاع المحفز. فالضوء العادي زي مثلاً الضوء من مصباح كهربائي، بيبقي عنده عدد كبير جداً من الأطوال الموجية والضوء بينتشر في جميع الاتجاهات عشان كده الغرفة كلها بتبقي نور.

مميزات زراعة الاسنان بالليزر

في طريقة زراعة الاسنان بالليزر بيتم استخدام طول موجي محدد لشعاع الليزر. والطاقة بتاعته بتكون متجمعة في حزمة صغيرة جدا ليها اتجاه واحد محدد وده بيدي ضوء شديد الكثافة. عشان كده الليزر دقيق ويقدر يركز على مناطق صغيرة، ومن هنا بنستخدم الليزر لعمليات جراحية دقيقة جداً زي في زراعة الاسنان بدلاً من المثقاب أو المشرط.

الليزر آمن وبيستخدم في إجراءات طبية مختلفة زي إزالة البقع الشمسية، علاج القرحة الباردة، تبييض الأسنان بالليزر، إزالة الأورام، الجراحة التجميلية، علاج أمراض اللثة، ومعظم العمليات الجراحية؛ ولذالك سعر زراعة الاسنان بالليزر بيكون مختلف عن باقي اسعار زراعة الاسنان في مصر .

طريقة زراعة الاسنان بالليزر بتشتغل بشكل فعال وبأقل قدر من التدخل الخارجي عشان يوفر الدقة والراحة للمريض. في حالة زراعة الأسنان باليزر الطبيب بيوجه شعاع الليزر من WaterLaser iPlus عن طريق BIOLASE، على سبيل المثال ، لآي منطقة مستهدفة والمنطقة دي بتكون متوصلة بنظام ألياف بصرية متصل بقطعة يد أسنان والقطعة دي بيتم تسليمها إلى منطقة المعالجة بنبضات ثابتة.

الليزر ممكن نعبتره بديل آمن ولطيف لأدوات الأسنان التقليدية. لأنه بيسمح للجراحين والأطباء إنهم يعملوا اجراءات طبية معقدة جدا بمنتهي الدقة وبيحد من فقدان الدم بعد أي عملية، او الاحساس بأي الم زي الم زراعة الاسنان أو فرصة الإصابة بالجروح، وبيوفر الراحة التامة؛ وبالتالي هتحتاج افضل دكتور زراعة اسنان في مصر حسب كلام الناس اللي جربت تحت ايده، مش الأغلى او الأشهر فقط.

ة>> الوظيفة الأساسية للزراعة هي استبدال الأسنان، بس مش معني كده إن دي الوظيفة الوحيدة لأن زراعة الأسنان ممكن تساعد  في إجراءات وعمليات تانية للأسنان نظرًا لاستقرارها وثباتها. فممكن نستخدم انواع زرعات الاسنان المختلفة لدعم مجموعة أسنان القابلة للإزالة ونوفر مظهر مريح أكتر وأمن.

>> زراعة الأسنان ممكن تساعد بردو في عمليات متعلقة بـ  تقويم الأسنان، فمثلاً ممكن لعملية زراعة الأسنان البسيطة إنها تقوم بدور أجهزة تثبيت مؤقت (TAD) وده هيساعد في نقل الأسنان إلى الوضع المطلوب اللي هو دور التقويم بالضبط.

وأجهزة تثبيت الاسنان دي بيتم إزالتها بعد لما وظيفتها بتخلص.

>> بالنسبة للمرضى الذين فقدوا أسنانهم كلها بسبب التمزق أو أمراض اللثة في الفك العلوي و / أو السفلي، بيبقي عندهم اختيار مريح جداً وهو زراعة الاسنان باستخدام تقنية “All-On-4” والتقنية دي سمتها شركة Nobel Biocare ودي واحدة من شركات زراعة الأسنان اللي بتقدم نوع من افضل انواع زرعات الاسنان في العالم

>> تقنية زراعة الاسنان “All-On-4” بتعتمد علي فكرة إن طقم أسنان كامل ممكن يتم زراعته علي 4 غرسات بس، الغرسات دي بتتثبت بشكل استراتيجي ومحسوب في مناطق فيها عظم قوي، ويتم تثبيت طرف إصطناعي رقيق في مكانه. تقنية All-On-4 بتوفر استبدال كامل للأسنان بشكل ثابت (غير قابل للإزالة) وهتحس كأنها أسنان طبيعية مقارنة بالطريقة القديمة لأطقم الأسنان الكاملة (القابلة للإزالة).

زراعة الأسنان من غير أي شك بتقدم خيارات علاج افضل لاستبدال الأسنان المفككة مع الاستقرار على المدى الطويل وتحسين صحة الفم؛ بس المهم انك تختار افضل مركز زراعة اسنان في مصر بكلام الناس اللي اتعالجوا فيه، مش المركز الأغلى او الأشهر لمجرد الإسم.
لو عايز تعرف اسعار زراعة الاسنان ومقارنة بين الدول دوس هنا 

+

الفرق بين زراعة الاسنان و تركيب الأسنان

يعني إيه تركيب الأسنان

تركيب الأسنان بيقوم بنفس غرض زراعة الاسنان لكن طريقة التنفيذ مُختلفة ففي حالة تركيب الأسنان بيبدأ الطبيب إنه يصور أشعة  للأسنان عشان يقدر يحدد كثافة العظم ومن هنا يحدد هيقدر يستخدم طريقة تركيب الأسنان ولا لا.

في تركيب الأسنان الطبيب بيشتغل على طبقة الأسنان الخارجية مش الجذور وده بيكون عن طريق وضع التيجان على الأسنان الداعمة، أو عن طريق لصق الأسنان الثابتة اللي عايزين نركبها في الفم بالأسنان الداعمة عشان تبقي قطعة منها ومتنفصلش عن الأسنان تماما

بياخذ الطبيب مقاسات الأسنان عن طريق البصمة باستخدام قالب ومعجون، بعد كده بتتبعت العينة  لفني المعمل عشان يعمل تركيبة جديدة مناسبة من حيث الشكل واللون للأسنان الطبيعية.

دوس هنا لو عايز تعرف اسعار تركيبات الاسنان في مصر

انواع تركيبات الاسنان

-تركيب الاسنان -الأطقم الكاملة

والنوع ده من انواع تركيبات الاسنان بيكون خاصة بالفك كاملاً إمّا العلوي أو السفلي

-تركيب الاسنان -الأطقم الجزئية المتحركة

ودي عبارة عن أسنان صناعية من مادة الكريل، بيتمّ تفصيلها وتجهيزها في المعامل بعد أخذ القياسات المناسبة وتركيبها

-تركيب الاسنان -الجسور الثابتة

 في حالة خلع ضرسٍ أو أكثر عشان يمنع تكون فراغات بين الأسنان ويحافظ علي قوتها ومتانتها، ولازم الأسنان اللي  هتدعم الجسر تكون صحية وقوية

هل المريض بيحس بأي الم زراعة الأسنان اثناء العملية او بعدها

زراعة الأسنان بتتم دائماً تحت تأثير التخدير الموضعي، وبالتالي مبيحصلش أي نوع من انواع الم زراعة الاسنان خلال العملية. لكن بعد ما تفوق من المخدر الموضعي، هتحس بعدم الراحة بعد الجراحة لكن مقياس الم زراعة الاسنان بعد العملية بيكون مختلف من فرد للتاني، بعض الناس بيحسوا بألم بسيط والبعض ممكن يحسوا الألم بدرجة أكبر، لكن بشكل عام المعظم بيحسوا بعدم الراحة بعد استخراج الاسنان.

في الحالات دي بيتم وضع كيس ثلج بارد على الجلد فوق منطقة الجراحة مباشرة بعد العلاج للمساعدة على تقليل التورم و علاج التهاب اللثة بعد زراعة الاسنان.

وعادة بنقدر نعالج الم زراعة الاسنان بعد العملية باستخدام المسكنات اللي مش بتحتاج وصفة طبية زي الأيبوبروفين (أدفيل) أو الأسيتامينوفين (تايلينول). لو العملية الجراحية كانت صعبة شوية بنحتاج مسكنات أقوي للألم ووقت أطول للشفاء. وبصرف النظر عن المسكنات، أحياناتً بتحتاج تلتزم بالمضادات الحيوية وغسول الفم لدعم الشفاء بشكل اسرع خلال الأسابيع القليلة القادمة بعد عملية زراعة الاسنان.

مراحل و طريقة زراعة الأسنان

في البداية بيبدأ الجراح بفحص المكان اللي هيتم فيه زراعة الاسنان في الفم وبيدرس الدكتور تصوير الأسنان (الأشعة السينية ، أفلام بانورامية ، و / أو الأشعة المقطعية). في خلال الوقت ده بيتم تقييم جودة وكمية عظم الفك عشان يقدر يحدد هل كثافة العظم مناسبة ولا هيحتاج يضيف كمية تانية من العظم لموقع الزراعة، وبمجرد ما بيقرر دكتور زراعة الاسنان إن المكان مناسب خلاص للزراعة ، بيتم وقتها تهيئة المريض للعملية وإعطاءه مخدرًا موضعيًا لتخدير المنطقة الجراحية بالإضافة لأي مسكنات أخرى ضرورية للراحة والقلق.

المرحلة الأولى  من جراحة الفم غالباً بتكون لاستخراج السن بس أو الأسنان ( في حالة إن زراعة الاسنان لأكتر من سن) لأن أحياناً كتير جداً بيكون موقع زرع الأسنان موجود فيه بقايا الأسنان التالفة.

عشان تستعد لعملية زرع الأسنان، فالأسنان بتحتاج لاستخراجها. في أكثر الأحيان بيحتاج الطبيب استخدام (عظم اصطناعي) عشان يوفر قاعدة صلبة من العظم للزرع. وبيتم السماح للموقع ده الشفاء لمدة شهرين إلى ستة أشهر.

أما بالنسبة للموقع اللي بيكون فيه أي ضياع للعظم ، فده بيحتاج اجراء مختلف بيتم وضعه فوق عظم الفك الموجود اسمه “التطعيم العظمي” وده بيكون الهدف منه زيادة كثافة العظم.
والإجراء ده بيحتاج عادةً حوالي ستة أشهر أو أكثر للشفاء. في بعض الحالات، لما بيكون فيه عظم كافي، نقدر نستخرج السن التالفة متبوعة بإجراءات وضع زرع الاسنان في نفس الموعد. وبنسمي ده ” زراعة الاسنان الفورية “

المرحلة الثانية في الحالة اللي دكتور زراعة الاسنان بيحط فيها الغرسة في الفك العلوي في المنطقة الخلفية، أحيانًا بتكون كمية العظم المتاحة محدودة بسبب وجود الجيب الفكي واللي هو معناه إن يبقي فيه فراغ مليان بالهواء موجود في عظم الوجه. في الحالة دي بيتم “تكبير الجيوب الأنفية” أو “رفع الجيوب الأنفية” وده هيساعد في زراعة عظم الفك والأسنان أكتر في منطقة الجيوب الأنفية وبالتالي هيدعم زراعة الأسنان في المنطقة دي؛ لكن المرحلة دي مش اساسية في عملية زراعة الاسنان، حتى تكلفة زراعة عظم الفك في مصر بتكون مختلفة عن تكلفة زراعة الاسنان في مصر.

المرحلة الثالثة بمجرد وجود عظام قوية بيكون خلاص الموقع جاهز للزرع  وبتبدأ بكده المرحلة التانية في عملية زراعة الأسنان.

لما بيتم تعيين موضع زرع الاسنان، بيتم وضع الزرعة السنية اللي هي السن المزروعة وبتكون مصنوعة من (التيتانيوم) في العظم باستخدام الأدوات الطبية المخصصة. بعدها بيتم وضع “غطاء الشفاء” على الزرع وبعدها بتم خياطة اللثة وتبدأ مرحلة الشفاء.

المرحلة الرابعة وقت الشفاء بعد عملية زراعة الاسنان بيعتمد بشكل كبير على نوعية العظم الموجودة. وبيتراوح الوقت ده غالباً ما بين ثلاثة أشهر إلى ستة أشهر. خلال الوقت ده الغرسة بتندمج مع العظم. وطبعاً مهم جداً إنك تاخد بالك من المكان اللي تمت فيه عملية زراعة الاسنان وتتجنب إنه يتعرض لآي ضغط أو اجهاد في المكان ده لحد ما تنتهي مرحلة الشفاء بشكل كامل. وغالباً الطبيب بيحدد ليك مواعيد متابعة عشان يتابع موقع الجراحة لضمان عدم وجود عدوى أو غيره يأثر علي مراحل الشفاء، أما علاج التهاب اللثة بعد زراعة الاسنان مش بياخد وقت طويل لو تم اتباع تعليمات الدكتور والموظبة على الادوية.

المرحلة الخامسة و الأخيرة بعد فترة الشفاء المطلوبة، بيتم اختبار زرع الأسنان لتحديد إذا كان قد تم تناوله بنجاح من قبل العظم المحيط. وبمجرد ما بيتأكد الطبيب بيتم توصيل مكوّن اصطناعي بزراعة الأسنان عن طريق مسمار، بيتم تسميته “دعامة”. وبعد كده بيتم تثبيت التاج المزروع أو تثبيته بمسمار إلى دعامة وده بيكون هدفه المحافظة علي الأسنان المزروعة

تساؤلات مُختلفة بتشغل بال المرضى حوالين زراعة الأسنان

هل ممكن يكون عندي حساسية من التيتانيوم وبالتالي ده يسبب مشاكل في عملية زراعة الاسنان؟

=> التيتانيوم معدن مُحب للعظام واستخداماته كثيرة جداً في إنه يحل محل أجزاء كثيرة من الجسم بداية من الركبتين والوركين لعقد آذان صناعية وأنوف وعيون في مكانها. فاحتمالية إن يبقي عندك مشكلة في استخدام التيتانيوم تخلي جسمك ميتقبلش المعدن ده تَكاد تكون ضئيلة جداً واتكلمنا في المقال عن نسب نجاح عمليات زراعة الأسنان واللي كانت مُرتفعة جداً لأن عمليات زراعة الأسنان مش بتحتوي علي أي مواد حية ممكن تتفاعل مع الجسم وتخليه يرفض وجود الزرعة فبالتالي منعتقدش إن دي ممكن تكون مشكلة هتواجهك.

إيه مخاطر زراعة الاسنان اللي ممكن تقابلك بعد العملية؟

مع أي عملية جراحية بيبقي فيه دائماً احتمالية مخاطر ومضاعفات ممكن يتعرضلها المريض أو احتمالات لنجاح عملية زراعة الأسنان. لكن التخطيط الدقيق مهم عشان المريض يضمن إنه يتمتع بصحة كافية لإجراء جراحة الفم والشفاء بشكل صحيح ومن غير أي مخاطر تماماً و مخاطر زراعة الاسنان دي ممكن تبقي زي النزيف أوالحساسية أو المعاناة من التهاب اللثة بعد زراعة الاسنان، والظروف الطبية القائمة، والأدوية تحتاج إلى مراجعة دقيقة قبل العلاج.

ولحسن الحظ، فمعدل نجاح زراعة الاسنان كبير جداً، ونسب الفشل أو نسب حدوث مخاطر زراعة الاسنان بعد العملية بتكون صغيرة في حالة حدوث إصابة غير متوقعة، أو كسر في الزرع السني، أو زيادة الحمل في الأسنان، أو تلف المنطقة المحيطة (الأعصاب، الأوعية الدموية، الأسنان) أو وضع ضعيف للأسنان أو ضعف كمية العظم أو جودته إلخ …

لكن مرة تانية بنقول إن التخطيط الدقيق في وجود الجراح المؤهل في تجنب كل المشاكل دي بيحسن من الوضع.

زراعة الأسنان ممكن يتبعها التهاب في اللثة والعظام المحيطة بالزرعة. وغالبًا التهاب الأنسجة المحيطة بيرجع لوجود قوى عض مفرطة في الزرع أو عدوى بكتيرية. وممكن يؤدي التهاب الغشاء الزائد إلى فقدان الغرسة إذا تم اهمالها من غير علاج، لكن تقدر تقلل من فرص حدوث فقدان للغرسة باتباع تعليمات الدكتور في علاج التهاب اللثة بعد زراعة الاسنان ومن خلال المواظبة على العلاج.

بعد زراعة الأسنان لازم نحافظ علي الرعاية الروتينية في المنزل والمتابعة في عيادة الأسنان لتجنب الالتهابات دي.

لو السن اللي هزرعها وقعت من فترة، فهل ده هيأثر على العظم ويعيق عملية زراعة الاسنان؟

=> لما بيفقد الشخص سن بيحصل إن العظم الداعم للسن ده بيقل بنسبة 40٪ من أول أربعة إلى ستة أشهر من بعد فقدان السن.  فعملية زراعة الأسنان بتساعد في المحافظة على جزء كبير من العظم الأصلي اللي بيدعم السن وبتمنع فقدان العظم في حالة إن زرع الاسنان تم في غضون أسابيع قليلة بعد فقدان السن. لكن في حالة إنه كان فيه فقدان للعظام بنسبة كبيرة بيحتاج دكتور زراعة الاسنان إنه يقوم بإجراء تطعيم العظام عشان يزود كثافة العظم وده بيحتاج فترة زمنية للشفاء العظمي ومن بعدها بيكون المريض مُهيأ لعملية زراعة الاسنان وغرس المسمار في العظم.

اقدر استبدل كام سن خلال عملية زراعة الأسنان؟

تقدر تستبدل سن واحد أو أكتر من سن أو حتي كل أسنانك بالزراعة ومش بتحتاج لزرع واحد لكل سن من الأسنان المفقودة ده في حالة فقد أكتر من سن. فاممكن يتم دعم مجموعة من الأسنان المتجاورة باستخدام اثنين من الزرعات بس. وأقل عدد من الزرعات ممكن يوفر دعم لمجموعة كاملة ودائمة من الأسنان العلوية أو السفلية هو أربعة.

ملحوظة: تقدر تبعت لنا كل اسئلتك و استفساراتك عن حالتك بخصوص زراعة الاسنان في الاستشارة المجانية من خلال FB Messenger أو WhatApp.

في النهاية خلينا نقولك إن زراعة الأسنان بتحتاج نفس العناية بالأسنان الحقيقية، الأسنان المزروعة مش بتسوس واحتماليات اصابتها بالكسورضعيفة لكن الاهتمام بتنظيفها باستخدام الفرشاة والخيط والشطف باستخدام غسول الفم المضاد للبكتيريا، وفحوص الأسنان العادية بشكل منتظم من وقت للتاني وده هيحافظلك علي أسنانك المزروعة سليمة لأطول فترة مُمكنة.