الفرق بين عدسات الأسنان وتركيبات الاسنان وايه الأفضل بالنسبالك
مؤخراً فيه ناس كتيرة بدأت تهتم بالجانب الجمالي للأسنان وزاد احتياجهم لعمل ابتسامة جميلة وطبيعية لان ده بيزود ثقتهم بنفسهم وبيساعدهم يعيشوا يومهم بشكل أحسن. بس فيه سؤال بيتسئل كتير لينا في عيادة وايت اند برايت وهو إيه الفرق بين تركيبات الأسنان وعدسات الأسنان؟ وأحيانا بييجي عكس السؤال وهو إيه العلاقة بين الاتنين؟ هبدأ بالسؤال الأخير لأني هجاوب في باقي المقال عن السؤال الأول بالتفصيل.
إيه العلاقة بين تركيبات الأسنان وعدسات الأسنان؟
فيه أوجه تشابه أو نقط مشتركة كتيرة بين عدسات الأسنان وتركيبات الأسنان على سبيل المثال
– الاستخدام
الاتنين بيستخدموا في حالة وجود مشاكل في الأسنان زي الأسنان المشوهة سواء بتصبغات أو بقع أو الأسنان المتآكلة أو المعوجة.
– النتيجة
فيه بعض النتايج المشتركة بشكل أو بآخر بين عدسات الأسنان وتركيبات الأسنان من أهمها الحصول على ابتسامة هوليود، الحصول على ابتسامة طبيعية مشرقة وأسنان متناسقة وجميلة.
الرغم من وجود أوجه التشابه دي وأكتر فكل واحدة فيهم (تركيبات الأسنان وعدسات الأسنان (الفينير)) ليها مميزاتها وعيوبها والاستخدام المناسب حسب حالتك وحالة أسنانك.
وتقدر تحجز كشف دلوقتي مع دكتور متخصص من فريقنا لطبي في مركز وايت اند برايت White & Bright Dental Center
إيه الفرق بين عدسات الأسنان وتركيبات الأسنان؟
| عدسات الأسنان (الفينير) | تركيبات الأسنان الثابتة | |
| التعريف | فينير الأسنان أو عدسات الأسنان من أشهر العلاجات التجميلية للأسنان لأنها بتؤدي لهوليود سمايل الطبيعية المشرقة بدون برد الأسنان. فيه ناس أحيناً بتقول عليهم قشور الأسنان بسبب تكوينهم. لأنهم عبارة عن قشور رقيقة سمكها بيبدأ .3 مللي مصنوعة من مادة اسمها الاي ماكس. بتتلزق على السطح الأمامي من السنة بصمغ كيميائي معين. ملحوظة: الفينير عبارة عن قشور دائمة مينفعش تتبدل إلا عن طريق الدكتور المتخصص |
تركيب الأسنان الثابتة هي عبارة أسنان صناعية بتتركب مكان السنة المفقودة أو الضرس المفقود أو بتتركب على الأسنان المشوهة ، يعني سواء المشكلة في شكل السنة أو لونها نتيجة التصبغات أو البقع. فبتقدر تحمي الأسنان أو تؤدي لابتسامة هوليود الطبيعية الجميلة.
|
| المميزات |
من أهم مميزات عدسات الأسنان (الفينير) : 2- مش بتستلزم برد كبير للأسنان فبالتالي بتحافظ على الأسنان صحية وسليمة. 3- نتيجتها سريعة وغير مؤلمة. |
من أهم مميزات تركيبات الأسنان الثابتة: 1- بتغطي السن بالكامل فبالتالي تحميه من الكسر والتشقق. 3- بتدري شكل طبيعي للأسنان وشكل ابتسامة جميل |
| العيوب |
عيوب عدسات الأسنان (الفينير) 1- لأنها بتغطي السطح الأمامي بس من السِنَّة فبتسيب مناطق من الأسنان تفضل معرضة للتسوس. 2-تكلفة أكبر من باقي الطرق التجميلية اللي هدفها الحصول على ابتسامة مشرقة وجميلة سواء تركيبات الأسنان أو غيرها. |
عيوب تركيبات الأسنان الثابتة 3- ألم في اللثة بشكل مؤقت |
امتى تبقى محتاج عدسات الأسنان؟
بشكل بسيط هتحتاج تعمل عدسات الأسنان لو بتدور على ابتسامة جميلة وأسنان ناصعة البياض وأسنانك فيها مشكلة أو أكتر زي:
1- فيه سِنّة أو أكتر من أسنانك مكسورة أو فيها مشكلة في الشكل سواء اعوجاج أو ثقوب.
2- لو عندك تصبغات وبقع على أسنانك مينفعش تتعالج.
3- لو عندك فجوات أو فراغات بين أسنانك (مش فقد سنة).
ملحوظة مهمة: عدسات الاسنان مش بتعالج تسوس الأسنان، لازم أي تسوس أو تآكل في الأسنان او امراض اللثة يتعالج قبل ما يتم تركيب عدسات الاسنان.
امتى تبقى محتاج تركيبات الأسنان؟
1-لو فقدت سنة أو أكتر وحالتك مينفعش فيها عمل زراعة للأسنان سواء بسبب حالتك الصحية أو بسبب حالة أسنانك.
2- تركيبات الأسنان بتحمي الأسنان لو فيه تآكل في أسنانك أو ضعف في الأسنان أدى لتشققات أو كسور.
3-لو فيه تصبغات أو بقع في أسنانك وبتدور على ابتسامة طبيعية وجميلة.
في النهاية
تركيبات الأسنان وعدسات الأسنان كل حاجة فيهم هي الأختيار الأنسب لشخص معين، فمن الأفضل الاستعانة بدكتور أسنان متخصص وهو هيساعدك إيه الاختيار الأنسب بالنسبة لحالة وصحك أسنانك.
اسئلة شائعة عن عدسات الأسنان (الفينير)
إيه مراحل أو خطوات عمل عدسات الأسنان (الفينير)؟
مراحل عمل عدسات الأسنان (الفينير)
بتتقسم على 3 مراحل أو 3 زيارات
الزيارة الأولى وهي التقييم:
في الزيارة دي في عيادة وايت اند برايت بنقيم الحالة سواءاً كانت سنة مكسورة أو فراغات بين الاسنان أو إن العدسات هتستخدم لاخفاء تصبغات أو بقع في الأسنان مينفعش تتعالج بطرق تانيه، بعدها بيتم تحديد إيه انسب لون من عدسات الاسنان هيبقى مناسب مع شكل ولون الأسنان الطبيعية، وبعد كده بيتعمل نموذج لأسنانك بقالب خاص.
الزيارة التانية وهي البروفة:
فى الزيارة دى بتجرب وتشوف عدسات الاسنان قبل ما تتركب، هل هي مناسبة ليك ولا فيها مشكلة أو محتاج اى تعديلات.
الزيارة التالتة وهي التسليم:
دي آخر زيارة، واللى فيها بنركب الفينير بعد ما نكون اتأكدنا إن شكلها مناسب لونها وإن النتيجة النهائية هي أقرب للأسنان الطبيعية مش باين إنها عدسات متركبة.
ايه الفرق بين عدسات الاسنان و ابتسامة هوليود؟
عدسات الأسنان وهوليود سمايل وجهين لعملة واحدة أو نفس المعنى لكن ممكن تقول إن ابتسامة هوليود هي النتيجة اللي بتوصلها لو عملت تركيب فينير (عدسات الأسنان) لمجموعة الأسنان الأمامية بشكل كامل.
يعني لو انت بتدور على ابتسامة هوليود مينفعش تعمل سِنّة واحدة أو اتنين.
هل عدسات الأسنان بتسبب روائح كريهة في الفم؟
تركيب عدسات الاسنان (الفينير) مفيهاش أي مشكلة مهما كان نوعها أو سعرها وبأياً كانت الخامات لكن ظهور روائح كريهة في الفم بعد عمل عدسات الأسنان (الفينير) بيكون لأكتر من سبب تاني زي:
1- عدم الاعتناء بنظافة وصحة الفم والأسنان عن طريق تنظيف الأسنان من بقايا الطعام عن طريق الخيط الطبي للأسنان، وغسل الأٍنان بفرشاة ومعجون مناسبين.
2- مشكلة في تعقيم العيادة: لو فيه مشكلة في التعقيم داخل العيادة هتفضل فيه بكتيريا تحت العدسات ومع الوقت البكتيريا دي هتسبب روائح كريهةة في الفم
3-لو عدسات الأسنان فيها ثقوب أو كسور (وده بيكون خطأ من الدكتور) هيبقى سهل تتجمع البكتيريا تحت العدسة.
4- أمراض ومشاكل اللثة بتسبب روائح كريهة في الفم.
لو عايز تعرف أكتر عن عدسات الأسنان وأسعارها في عيادة وايت اند برايت White & Bright Dental Center تقدر تحجز استشارة مجانية مع دكاترة متخصصين في عدسات الأسنان من هنا
اسئلة شائعة عن تركيبات الأسنان
إيه هي أضرار تركيبات الأسنان الثابتة؟
مفيش شكاوي كبيرة بتيجي بسبب تركيبات الأسنان الثابتة، لكن في احتمال انها تكون مؤلمة لو محصلش تخدير موضعي بطريقة مظبوطة، بالنسبة لعيادتناوايت اند برايت بنستخدم اقوي و افضل نوع من المخدر الموضعي أثناء العملية، وبعد العملية وبعد العملية بيكون من الأفضل ليك انك تستخدم المسكنات اللي هنكتبهالك أو هيكتبها الدكتور المتخصص ليك حسب حالة اسنانك.
إيه أنواع تركيبات الأسنان؟
بشكل أساسي تركيبات الأسنان إما ثابتة سواء جسور الأسنان أو تيجان الأسنان
وإما تركيبات متحركة سواء أطقم كلية أو جزيئية
اخر مقالاتنا
