خطورة زراعة الأسنان لمرضى السكر! (والبديل)

لما بتفقد أكتر من سنة من أسنانك، بتحصلك شوية مشاكل في حياتك اليومية زي التلعثم في الكلام بسبب مشاكل مخارج الحروف وزي الأكل، ده غير شكل الابتسامة والألم اللي بتحس بيه نتيجة مشاكل اللثة وغيرها.

عشان كده بتفكر في حل إما حل سريع أو حل دائم لمشكلة فقد الأسنان، وأحياناً بتدور على حل يكون أقل تكلفة أو بدون ألم أو غيره من العوامل اللي بتختلف من شخص للتاني، لكن كل الأشخاص بيشتركوا في إنهم بيدوروا على حل يرجعلهم حياتهم الطبيعية تاني. 

 

إيه هي حلول فقد الأسنان؟
باختصار شديد فيه 3 حلول مشهورة لمشكلة فقد الأسنان، لكن كل حل فيهم مناسب لحالة معينة، سواء صحياً أو مناسب لحالة الفك والأسنان أو كمان مناسب من الناحية المادية.

1– زراعة الاسنان:

ودي عبارة عن تثبيت زرعة في فك الاسنان وبعد ما يتم الالتئام أو الاندماج العظمي بيتم تركيب تاج على السنة المزروعة.

2- تركيبات الأسنان الثابتة:

ودي تيجان بيتم تركيبها مكان الاسنان المفقودة عن طريق برد الاسنان المجاورة بالدرجة اللي تسمح بتركيب التاج عليها.

3- تركيبات الأسنان المتحركة:

أما دي فهي طقم أسنان متحرك تقدر تشيله وتركبه بسهوله، بيعوض الأسنان المفقودة بردو. من أهم مميزاته إنه سهل الاستخدام و بيتحرك بسهوله ومن أبرز عيوبه بردو إنه بيتحرك بسهوله وده هكلمك عنه بالتفصيل في باقي المقال.

هل التركيبات الثابتة أفضل من التركيبات المتحركة؟ 

مع الأسف مينفعش يتم الرد على السؤال ده من خلال مقال، وده لأن اللي بيحدد إجابة السؤال ده هو الدكتور المتخصص بعد فحص كامل للأسنان، لأن الأفضلية هنا بتكون نسبية حسب حالة الأسنان.
في الجزء الجاي من المقال هقولك امتى تكون أفضل “بشكل عام” وإيه الفروقات العامة بينهم وإيه مميزات ومشاكل كل واحدة فيهم.

 

إيه مميزات وعيوب التركيبات المتحركة؟

 

مميزات التركيبات المتحركة	عيوب التركيبات المتحركة
تقدر تشيلها وتنظفها بسهولة.	عدم الاستقرار (مش ثابتة).
تكلفتها قليلة (أقل طبعاً من التركيبات الثابتة وزراعة الأسنان”	بتحتاج كل فترة تتعدل بسبب احتمالية حدوث تغيرات في الفم.
لو حصلها أي ضرر بتتصلح بسهولة.	ممكن الأكل يدخل تحت التركيبة (لكن ارجع شوف أول ميزة)
بتتكيف بسهولة مع تغيرات الفم.	ممكن تؤدي لفقدان العظم مع الوقت.

 

امتى تكون التركيبات المتحركة الحل المثالي لمشكلة أسنانك؟

السؤال ده الدكتور هو اللي بيحدد إجابته حسب حالة اللثة والفم، لكن أشهر الحالات اللي بيكون فيها التركيبات المتحركة هي الحل مش التركيبات الثابتة هي حالة فقط جميع الأسنان في فك واحد أو الفكين.

إيه هي الأنواع وميزة كل نوع؟

 

النوع الكامل (Complete Dentures):

الحالة المستخدم فيها: النوع ده بيتم استخدامه في حالة فقط كل الأسنان في فك واحد أو الفكين.

الميزة الأساسية: قابل للإزالة بسهولة أكتر للتنظيف.

 

الجزئية (Partial Dentures):

الحالة المستخدم فيها: بيتم استخدام النوع ده في حالة فقدان بعض الأسنان، بيتم تثبيتها عن طريق أسنان طبيعية متبقية أو بواسطة هياكل معدنية.

الميزة الأساسية: بتحافظ على الأسنان المتبقية.

 

تركيبات الجسر الجزئي (Removable Partial Dentures):

الحالة المستخدم فيها: هي عبارة عن نوع من تركيبات الأسنان الجزئية المريض يقدر يشيلها بسهولة.

الميزة الأساسية:بيتم تثبيتها عن طريق هياكل معدنية أو بلاستيكية ويعبر بديل للجسور الثابتة.

 

تركيبات فورية (Immediate Dentures):

الحالة المستخدم فيها: لو المريض محتاج حل فوري وكان ده مناسب حالة أسنانه.

الميزة الأساسية: بيبدأ المريض يمارس حياته بشكل طبيعي بسرعة.

 

هل فيه أنواع تانيه لتركيبات الأسنان؟ 

بالفعل فيه أكتر من نوع زي تركيبات الجسر المتحرك (Removable Bridge): ودي بتكون شبه 

التركيبات الثابتة ولكن ممكن إزالتها.

 

وفيه تركيبات الفكين (Overdentures): ودي بتعتمد على الأسنان المتبقية وبتقلل من انزلاق التركيبة وبتحسن الراحة والاستقرار.

وغيرهم من الأنواع اللي بسهولة الدكتور بيحددلك المناسب من بينهم.

 

مقارنة بين التركيبات الثابتة والتركيبات المتحركة

 

	التركيبات الثابتة	التركيبات المتحركة
الاستقرار	عالي جداً – ثابتة في الفم.	متوسط : منخفض (تقدر تشيلها).
التكلفة (كعلاج لفقد الاسنان)	متوسط (أقل من زراعة الأسنان).	منخفضة (أقل من التركيبات الثابتة ومن الزراعة).
سرعة التركيب	متوسطة.	قليلة.
التأثير النفسي	إيجابي.	احتمالية وجود تأثير سلبي.

 

إيه خطوات تركيب التركيبات المتحركة؟

تركيب الاسنان المتحركة مش بيحتاج خطوات كتير ولا بيكون فيه أي ألم ومش بحتاج وقت وطبعاً مش بتحتاج جراحة كمان، والخطوات بتكون كالتالي:

 

1. الفحص: الدكتور في المرحلة دي بيفحص الفكين وحالة الللثة عشان يتأكد إن الأسنان المتحركة مناسبة للحالة.
2. المقاسات: زي ما واضح من اسمها بياخد الدكتور مقاس الفكين عشان يجهز التركيبة، وبياخد كمان مقاس التباعد المطلوب بين الاسنان.
3. التحضير: بيتم تحضير التركيبة المطلوبة.
4. التجربة: بيجرب المريض التركيبة على اسنانه وبيدي الدكتور التعديلات المطلوبة سواء الحجم أو اللون أو غيرهم.

 

ازاي تعتني بالأسنان المتحركة

 

إيه العلامات اللي بتدل على ضرورة استبدال التركيبات المتحركة؟ 

 

تركيبات الاسنان المتحركة كل فترة بتحتاج تتغير أو يتعملها صيانة، والفترة اللي بتتغير بعدها تركيبات الاسنان المتحركة بتيحددها الدكتور بس المتوسط إنها من 5 لـ 8 سنين لو بتعتني بيها بشكل مناسب.

لكن فيه بعض العلامات لو ظهرت حتى لو المدة أقل من الـ 5 سنين فده معناها إنها محتاجة تتغير، وننصحك وقتها بزيارة دكتور تركيبات الأسنان.

• ظهور تشققات أو تصدعات في التركيبة.
• ظهور قرح في الفم.
• ظهور روائح كريهة.

أما من البداية لو حسيت إن التركيبة مش بتثبت ولو مؤقتا وبتنزلق من على اللثة فده معناه إنها مش مناسبة ليك وارجع للدكتور، ولو واجهت صعوبة في مضع الطعام بعد الفترة المبدأية اللي ممكن توصل لأسبوع بردو ارجع للدكتور.

 

ازاي تعتني بالأسنان المتحركة

 

أهم النصايح اللي تاخد بالك منها في حالة تركيب الأسنان المتحركة:  

اختار دكتور أسنان خبرة يقدر بسهولة يختار نوع التركيبات المناسب لحالتك واللي بيضمن عدم حدوث مضاعفات أو أضرار في المستقبل (ازاي تختار دكتور أسنان شاطر؟) .

 

اهتم بتنضيف التركيبات المتحركة بعد كل وجبة طعام.

استمر في تنضيف الاسنان المتحركة في عيادة الاسنان كل 6 شهور على الأقل.

تابع بشكل سنوي على الأقل مع دكتور الأسنان عشان يتأكد من عدم حدوث أي مضاعفات لأسنانك.

 

الاسئلة الشائعة

 

هل تركيبة الاسنان المتحركه لها اضرار؟

في حالة عدم الاعتناء بنظافتها ممكن تسبب مشاكل كتير لصحة أسنانك وتسبب التهاب في اللثة وظهور قرح في الفم.

 

كم سعر تركيب الاسنان المتحركة؟

تركيبات الاسنان المتحركة بتختلف باختلاف نوعها:

اسعار التركيبات المتحركة و أنواعها

طقم جزئي معدني فيتاليوم للفك الواحد 9000 جنيه- الفكين 18000 جنيه

طقم جزئي معدني اكليريك للفك الواحد 5000 جنيه- الفكين 10000 جنيه

سنة متحركة ثابتة أولي 700 جنيه

سنة متحركة مرنة 1300 جنيه

 

كيف يتم تثبيت الاسنان المتحركة؟

خطوات تركيب الأسنان المتحركة:

1. مرحلة الفحص: الدكتور في المرحلة دي بيفحص الفكين وحالة الللثة عشان يتأكد إن الأسنان المتحركة مناسبة للحالة.
2. مرحة أخذ المقاسات: زي ما واضح من اسمها بياخد الدكتور مقاس الفكين عشان يجهز التركيبة، وبياخد كمان مقاس التباعد المطلوب بين الاسنان.
3. مرحلة التحضير: بيتم تحضير التركيبة المطلوبة.
4. مرحلة التجربة: بيجرب المريض التركيبة على اسنانه وبيدي الدكتور التعديلات المطلوبة سواء الحجم أو اللون أو غيرهم.

 

أيهما أفضل طقم الأسنان الثابت أم المتحرك؟

تحديد الأفضل بين التركيبات الثابتة والتركيبات المتحركة بيختلف باختلاف عوامل كتير منها الحالة الصحية وحالة الأسنان واللثة وعدد الأسنان المفقودة عشان كده الدكتور هو اللي بيحدد أفضل إجابة مناسبة لحالتك، ودي مقارنة بسيطة بوجه عام بين النوعين: 

	التركيبات الثابتة	التركيبات المتحركة
الاستقرار	عالي جداً – ثابتة في الفم.	متوسط : منخفض (تقدر تشيلها).
التكلفة (كعلاج لفقد الاسنان)	متوسط (أقل من زراعة الأسنان).	منخفضة (أقل من التركيبات الثابتة ومن الزراعة).
سرعة التركيب	متوسطة.	قليلة.
التأثير النفسي	إيجابي.	احتمالية وجود تأثير سلبي.