أسعار خدماتنا في عيادتنا وايت أند برايت

أسعار حشو العصب

  • سعر حشو العصب 2900
  • سعر اعادة علاج العصب 3700
عصب السن المتضرر هو أقوي ألم ممكن يجي في الأسنان.

في الحاله دي يجب إزاله العصب لتخفيف الألاّم ،  دا  كان زمان شئ مؤلم بس دلوقتي بفضل الأجهزه الحديثه و مواد التخدير بقي شئ بسيط جدا يخلص في جلسه واحده و بدون ألم نهائيا !

بيتم إستخدام أجهزه زي: 
1. الـ apex locator :  و دا اللي بيحدد طول الجذر بكل دقه و يقلل إستخدام الإكس راي و يضمن إزاله العصب تماماً.

2. يليه عمليه التنظيف باستخدام جهاز الروتاري :  و دا بيساعد في إنجاز العمل في وقت بسيط وبدقه كبيره جدا.

3. يليه حشو العصب بإستخدام Obtura :  و دا بيوصلنا لما يسمي 3D Obturation اللي بيوصل الحشو لكل أجزاء الجذر و كل دا في خلال زياره واحده و بدون ألم.

أسعار حشو العصب

أسعار حشو العصب (2)

أسعار حشو الأسنان

  • الحشو الكومبوزيت ب 1700 جنية
يتم استخدام حشو الاسنان لتعويض الجزء المفقود من السن

1. Composite Amalgum

2. الحشو الضوئي او التجميلي  : بيدي شكل طبيعي بنفس لون و شكل السنه ، و بيستخدم في علاج الكسور البسيطه في الأسنان مش بس التسوس  Glass Ionomer أو بيسمي بالحشو الزجاجي و دا بيكون ممتاز في الحالات اللي فيها التسوس تحت اللثه أو في جذور الأسنان Amalgum .

3. الحشو البلاتيني : و دا أقدم انواع الحشوات و استخداماته اصبحت نادره جدا ، في white and bright بنوفر دايما أفضل أنواع الحشو  الأمريكي و الألماني اللي بتدي أحسن شكل و جوده.

أسعار حشو الأسنان

أسعار الخلع الجراحي

  • الخلع البسيط : من 1300جنية ل 3500جنية
  • الخلع الجراحي : 3500جنية ل 7500 جنية علي حسب الحالة
 جراحة الوجه و الفكين عباره عن إزاله ضروس العقل المدفونه و إزاله الأكياس الدهنيه عن طريق فريق متخصص في الجراحه.

بالاضافه علي علاج الإبتسامه اللثويه عن طريق إستخدام مادة البوتكس ومعاها بيتم عمل جراحه بسيطه بتخلي الجزء اللي باين من اللثه أقل في وقت الإبتسامه و بالتالي شكلها بيرجع طبيعي
من الاسم كده تحس إن الموضوع يخوف لكنه اسهل كتير من اسمه، و طبعاً تحديد وقت جلسه العلاج مش هيكون دقيق خالص لان كل حاله بتكون غير التانيه

أسعار الخلع الجراحي

أسعار الدعامة

  • دعامة فايبر للأسنان : 1700جنية
لتكملة علاج السنه بعد علاج العصب بنحتاج نعمل  دعامه و حشو للسنه و إعادتها لشكلها الطبيعي .

من الدعامات : 

1.الدعامه الفايبر FIBER  POST 
تتمييز الدعامه الفايبر بحاجتين أولا إنها بتلزق في مكونات السنه بشكل كيميائي و بالتالي بتكون هي و السنه واحده  ، الميزه التانيه إنها مش بتسبب كسور أو شروخ في الجذور زي ما ممكن يحصل مع الدعامه المعدنيه.

أسعار الدعامة

أسعار علاج اللثة وإزالة الجير

  • ازالة جير الفم بالكامل من 1200 جنيه.
  • التنضيف العميق للثة “على حسب الحالة“.
بمجرد ترسب طبقة البلاك وتحولها لجير الاسنان، بتبدأ تظهر مشاكل اللثة اللي بتظهر في شكل نزيف اللثة ورائح الفم الكريهة، لكن مع تجاهل إزالة جير الاسنان الالتهاب بيوصل لعظام الفك وتبدأ الأسنان تتلخلخ.

لكن للأسف تنظيف الاسنان المستمر بالفرشاة والمعجون غير كافي انه ينظف الاسنان من الجير لأن ازالة جير الاسنان بتحتاج زيارة دورية لدكتور الاسنان لأن فرشاة الاسنان مش بتقدر توصل لكل جزء في الأسنان، والحل الوحيد هو الزيارة الدورية لطبيب الاسنان لأن العواقب أكبر بكتير.

أهم المشاكل اللي بيعالجها تنظيف الجير
– علاج الابتسامة اللثوية
– علاج انحسار اللثة
– علاج إسمرار اللثه بالليزر  .
ملحوظة: بيتم عمل تفتيح اللثة في جلسة واحدة باستخدام الليزر بدون اللجوء لجراحه.

أسعار علاج اللثة وإزالة الجير

أسعار تقويم الأسنان

  • من 45000 لـ 65000 جنيه
    (يتم دفع 50% من المبلغ مقدم، وتقسيط 50% خلال مدة العلاج)
  • التقويم الشفاف: من 35000 لـ40000 جنيه
تقويم الأسنان : عبارة عن جهاز مُصمم لإعادة  وضعية الاسنان المطابقة فوق بعضها ، أو حل مشكلة ابراز الفك للأمام ، و الحقيقة ان اي حد يقدر يركب تقويم اسنان و هيجيب نتيجة عادي بس معظم الأطباء بينصحوا بالحل المبكر للمشكلة لان النتيجة بتكون أسرع .

انسب وقت لتركيب التقويم هو ( من 8 سنين لـ 14 سنة)
انواع التقويم : في انواع كتير للتقويم  زي التقويم التقليدي و التقويم السيراميكي و التقويم الداخلي و التقويم الشفاف ، الفرق مش في النتيجة على قد ما الفرق في  السعر و الشكل ، بس أقلهم سعرا هو التقويم التقليدي و أغلاهم سعرا هو التقويم الداخلي و في ألوان كتير كمان ، بس العامل الوحيد اللي يقدر يقولك انسب نوع لحالتك ايه هو الدكتور المتخصص

أسعار تقويم الأسنان

أسعار التركيبات المتحركة و أنواعها

  • طقم جزئي معدني فيتاليوم للفك الواحد 15000 جنيه- الفكين 30000 جنيه
  • طقم جزئي معدني اكليريك للفك الواحد 15000 جنيه- الفكين 30000 جنيه
  • سنة متحركة ثابتة أولي 1600 جنيه
  • سنة متحركة مرنة 2500 جنيه
في الحالات اللي مش متاح  ليها إستخدام الزراعات ، سواء بسبب التكلفة بتاعتها ، او الحالة الخاصة بالمريض نتيجة  بيتم عمل تركيبات متحركه لتعويض الأسنان المفقوده.

 لما المريض بيخلع أسنانه لفتره كبيره ، العظم اللي بيسند الخدود و الشفايف بيبدأ يحصل فيه تآكل و ده اللي بيدي المريض شكل السن الكبير ( بالبلدي شكل الوش بيكرمش )
ميزه التركيبات المتحركه إنها مش بتحتاج جراحه و بتقدر ترجع شكل الشفايف و الخد للشكل الطبيعي مهما كانت الفتره أوالعظم اللي فقده المريض
مش معنى إن الطقم اّخر خيارإنه هيكون إختيار مش كويس ، ده لان عندنا في وايت اند برايت متخصصين بس في عمل التركيبات التحركه وأطقم الأسنان.

وتقدر تعرف اكتر عن تركيبات الاسنان من هنا.

أسعار التركيبات المتحركة و أنواعها

أسعار تبييض الأسنان

  • تبيض الاسنان بستخدام احدث الاجهزة لجهاز وايت سمايل
  • 2000 جنية ( جلسة واحدة )
  • 4000 جنية ( 2 جلسة فقط )
  • 5000 جنية ( 3 جلسات ) يتم تحديدها علي حسب الحالة والتسعير يتم “للجلسة الواحدة”
تببيض الأسنان هو المطلب الأول لكل الناس، إبتسامه بيضاء و جميله بتدي ثقه في النفس .

تببيض الأسنان بيتم عن طريق 3 جلسات مدته الجلسة ربع ساعة علي جهاز التبييض الامريكي ZOOM 
و بيتم تفتيح الاسنان مم ٦ الي ٨ درجات  و النتائج بتكون في نفس اليوم .

طبعا بننصح بإزاله الجير قبل التبييض لأفضل نتائج .

من الأجهزه التانيه اللي بتستخدم  جهاز white smile مع إن نتائجه اقل من الـ zoom  و لكن بيتميز بإن الحساسيه للأسنان بعد التبييض تكاد تكون منعدمه

النوع التاني هو التبييض الكيميائي و ده بيتم في خلال جلسه و احده مدتها 45 دقيقه ولكن  درجة التفتتيح بتكون أقل من الزوم النوع الأخير هو التبييض المنزلي و ده في أغلب الحالات بيستخدم كمكل للأنواع السابقه.

أسعار تبييض الأسنان

متوسط أسعار تاج / أو طربوش الاسنان

  • زيركون 6000 جنيه
  • أيماكس 6000 جنيه
بمجرد ترسب طبقة البلاك وتحولها لجير الاسنان، بتبدأ تظهر مشاكل اللثة اللي بتظهر في شكل نزيف اللثة ورائح الفم الكريهة، لكن مع تجاهل إزالة جير الاسنان الالتهاب بيوصل لعظام الفك وتبدأ الأسنان تتلخلخ.

لكن للأسف تنظيف الاسنان المستمر بالفرشاة والمعجون غير كافي انه ينظف الاسنان من الجير لأن ازالة جير الاسنان بتحتاج زيارة دورية لدكتور الاسنان لأن فرشاة الاسنان مش بتقدر توصل لكل جزء في الأسنان، والحل الوحيد هو الزيارة الدورية لطبيب الاسنان لأن العواقب أكبر بكتير.

أهم المشاكل اللي بيعالجها تنظيف الجير
– علاج الابتسامة اللثوية
– علاج انحسار اللثة
– علاج إسمرار اللثه بالليزر  .

ملحوظة: بيتم عمل تفتيح اللثة في جلسة واحدة باستخدام الليزر بدون اللجوء لجراحه.

متوسط أسعار تاج / أو طربوش الاسنان

أسعار ابتسامة هوليود

  • سعر ابتسامة هوليود سمايل (16 سِنة أمامية): 96 ألف جنيه
  • سعر ابتسامة هوليود سمايل 20 سِنة أمامية): 120 ألف جنيه
ابتسامة هوليود هي عبارة عن علاج تجميلي الهدف الأول منه الحصول على اسنان متناسقة وابتسامة جذابة، بتتم عن طريق تركيب عدسات الاسنان أياً كان نوعها المناسب بالنسبة لحالتك، بتحتاج تعمل ابتسامة هوليود لو:
  • كسر أو فقد سنة.
  • 2- وجود تشققات في الاسنان.
  • 3- وجود بقع وتصبغات على سطح السنة.
  • فيه عدم تناسق في شكل أو حجم الاسنان.
  • وجود مساعات واسعة بين الاسنان.
احجز دلوقتي في عيادة وايت اند برايت استشارة مجانية واعرف حالتك هتتكلف كام قبل الحجز.

أسعار ابتسامة هوليود

اسعار عدسات الاسنان

  • سعر عدسات الاسنان الكمبوزيت للسن الواحد: 2500 جنيه
  • عدسات الاسنان الخزفيه للسن الواحد: 6000 جنيه
عدسات الاسنان أو قشور الاسنان هي عبارة عن قشور رقيقة مصنوعة من مادة الإيماكس E-max الصلبة، بتتلزق على السنة المكسورة أو المتشققة عن طريق صمغ كيميائي مخصوص، بتحتاج تركب عدسات الاسنان لو:
  • عندك سنة أو أكتر مكسورة.
  • على سطح أسنانك موجود بقع أو تصبغات.
  • فيه فراغات واسعة بين أسنانك.
  • فيه إعوجاج بسيط في اسنانك.
احجز دلوقتي كشف اسنان واعرف حالتك هتتكلف كام.

اسعار عدسات الاسنان

أسعار خدمات الاسنان اللبنية

  • حشو الاسنان اللبنية 1700ج للسنة الواحدة
  • إزالة عصب أسنان لبنية من 1400ج لـ 1900ج
  • طربوش معدني للأطفال 1500 ج
  • طربوش زركونيا للأطفال 3000ج
  • خلع للأطفال 600ج لـ 1000ج
  • حافظ مسافة 1400ج
عياده الاسنان ممكن تكون مكان مش مريح لناس كتير أغلبهم بيكون إتعرض لتجارب سابقه خاصه و هما الأطفال..

عشان كده لازم تكون معالجه الأطفال تجربه مدروسه،  يكون الطفل فيها مرتاح و هو رايح العياده لإن دا المكان الي هيخفف الألم مش هيسببله الألم.

عندنا في وايت اند برايت أطباء يقدروا يخلوا الزياره ممتعه للطفل من أول التخدير لحد و ضع الحشوه و طبعا هديته موجوده  ..

كمان وضع طبقه الفلورايد و طبقه pits and fissure sealent.اللي بتمنع التسوس في المستقبل

أسعار حشو الاسنان اللبنية

أسعار زراعة الأسنان

  • 13000 ج كوري
  • سويسري من 27,200ج الي 31,000ج
  • أمريكي 18,000ج
معروف إن الزرعات بتقدر تعالج مشاكل الأسنان المفقوده من غير ما نضطر لبرد الأسنان المجاوره ليها لعمل التركيبات الثابته، وأصبحت بتحل أغلب المشاكل اللي كانت بتضطرنا زمان لعمل التركيبات المتحركه
، الجديد إن كتير من الحالات اللي كنا زمان مينفعش نعملها زراعات بسبب قله  حجم العظم في الفك لكن دلوقتي ليها حلول بعد التقنيات الجديدة  في زراعة العظام، بيتم وضع الزرعه في الزياره الأولى و في حالة إن العظم ليه جوده عاليه نقدر في الزياره اللي بعدها على طول عمل كراون ليها خاصة لو كانت في مكان بيأثر على الشكل وممكن تعرف أسباب نجاح أو فشل عملية زراعة الاسنان

ملحوظة: في بعض الأحيان بنحتاج ننتظر لحد ما العظم يتكون حول الزرعات و ده بيكون فترة  من 4-6 شهور.

وتقدر تعرف اكتر عن زراعة الاسنان في عيادة White & Bright Dental Center من هنا.

أسعار زراعة الأسنان

مواعيد محددة
معاملة ممتازة
نتائج ممتازة
مشاكلي اتحلت
مريحه نفسيا
عيادة محترمة

شوف تقييم وآراء عملائنا بالتفصيل

كل الحالات موثقة من Facebook و Vezeeta

مواعيدنا ايه
احنا موجودين كل ايام الاسبوع ماعدا الجمعة و مواعيدنا من 3 العصر لـ 10 بليل
هتلاقينا فين
عنوان عيادتنا 24 مكرم عبيد بمدينة نصر ، اول لما هتحجز معانا سواء اونلاين او عن طريق الـ What’s app او بالتليفون هتلاقينا بنقولك انسب طريق ليك
سعر الكشف
300 جنيه ، انت هتكون  محتاج تكشف و الدكتور يقيم حالتك الاول قبل ما تعمل اي حاجة لأسنانك

اسئلة شائعة عن خدماتنا الطبية

بتختلف اسعار حشو اسنان الاطفال في عيادتنا على حسب الحالة الطبية.
وغالبًا معظم دكاترة الاسنان بيفضلوا استخدام حشو الاسنان الزجاجي في حشو اسنان الاطفال لأن فيه نسبة من الفلورايد اللي بيقلل من خطورة الإصابة بتسوس الأسنان.
كتير من دكاترة الأسنان بيفضلوا استخدام حشو الاسنان الضوئي المعروف بـ حشو الاسنان الابيض او حشو الكمبوزيت في حشوة الاسنان الأمامية لأن لون النوع دا من الحشوات بيتطابق بشكل كبير مع لون الاسنان الأصلية، وبيتم استخدامه في بعض الحالات زي:
  1. علاج أي فجوة أو فراغات بين الأسنان وبعضها.
  2. علاج الأسنان المكسورة خصوصًا الأسنان الأمامية.
  3. حشو الاسنان مع الأشخاص اللي بيعانوا من حساسية الأسنان، لأن حشوة الاسنان الكمبوزيت مش بيحتاج فيها الدكتور لبرد أو إزالة جزء من الأسنان قبل الحشو.
لكن من عيوب حشوة الاسنان الضوئية أو الكمبوزيت أنها مش بتدوم لمدة طويلة، ومتوسط عمرها بيكون حوالي من 5 لـ 7 سنين على حسب درجة اهتمام المريض بأسنانه، ودي مدة قليلة مقارنةً بأنواع أخرى زي حشوة الاسنان من الفضة اللي بيكون متوسط عمرها حوالي من 10 لـ 15 سنة.
اضرار خلع ضرس العقل بتتمثل في المضاعفات اللي بتحصل بعد عملية الخلع الجراحي، وهي واردة انها تحصل لكن بيكون من السهل السيطرة على المضاعفات دي بأي نوع من أنواع مسكنات الم الاسنان وبعض المضادات الحيوية اللي بيحددها دكتور الاسنان حسب حالة المريض.

ومضاعفات خلع ضرس العقل بتتمثل في:
  1. تكوّن التجويف الجاف، والمقصود هنا بالتجويف الجاف أن التجويف مكان خلع ضرس العقل مش بيحصله تجلط دموي علشان تبدأ الأنسجة في التعافي، ونتيجة لدا بيحصل تأخير في شفاء المريض؛ وغالبًا بيحصل التجويف الجاف دا بعد 3 لـ 4 أيام بعد خلع ضرس العقل، ووقتها بيحس المريض بألم شديد مكان الخلع وبيلاحظ ريحة كريهة في الفم.
  2. ضرر الاعصاب من المضاعفات اللي ممكن تحصل بعد خلع ضرس العقل، لكن لو حصل أي ضرر للأعصاب وقت خلع ضرس العقل، هيحس المريض بتنميل أو تخدير في اللسان أو الدقن أو الشفتين، وممكن يستمر التنميل دا لمدة أسابيع أو شهور على حسب درجة تضرر الأعصاب.
  3. تورم والتهاب اللثة ممكن يصاحبها ارتفاع بسيط في درجة الحرارة.
  4. عدم توقف النزيف مكان خلع ضرس العقل حتى بعد 24 ساعة.
في حالة أن المريض حصله أي مضاعفة من المضاعفات دي لازم يتواصل مع الدكتور فورًا علشان يحدد له الدكتور افضل علاج حسب حالة المريض الصحية.
عملية خلع ضرس العقل مؤلمة لكن لدرجة ممكن المريض يتحملها، وبتفرق درجة الألم من عيادة للتانية على حسب نوع التخدير اللي بيتم استخدامه و حسب درجة تعقيم العيادة، وكمان خبرة الدكتور في التعامل مع حالات خلع ضرس العقل بتفرق جدًا في درجة إحساس المريض بالألم أثناء وبعد خلع ضرس العقل.

في عيادتنا White & Bright Dental Center بنستخدم بنج موضعي امريكي، و بعدها بيستخدم بنج اسباني واللي بيعتبر من أقوى أنواع البنج في السوق المصري، و دا بيساعد في تخفيف نسبة الألم شوية.
دكتور الاسنان بيقدر يحدد ايه الأفضل لحالة أسنانك بناءًا على بعض العوامل زي:
  1. حالة الأسنان واللثة ودا بيتحدد بعد الكشف و من خلال أشعة الاسنان.
  2. لو المريض بيعاني من أي مرض مزمن زي مرض السكر، وخصوصًا لو السكر دايمًا مش منتظم؛ لأن مرض السكر بيزيد من صعوبة التئام الجروح وتكامل الزرعة أو التركيبة مع العظام، غير أن مريض السكر هيعاني من زيادة تورم اللثة بعد التركيب أو الزراعة عن أي شخص تاني.
  3. التكلفة، لأن أسعار زراعة الأسنان تعتبر أعلى من اسعار تركيب الاسنان، خصوصًا لو في ضعف أو تآكل في عظام الفك لدرجة متسمحش بزراعة الأسنان لأن وقتها الدكتور هيلجأ لعمل عملية زراعة عظام الفك قبل عملية زراعة الأسنان، وكل دا بيزيد من التكلفة.
و في بعض الفروقات بين زراعة الاسنان وتركيب الاسنان ممكن تسأل عنها الدكتور الخاص بيك قبل ما تقرر القيام بعملية من العمليتين دول لتعويض الاسنان المفقودة، الفروقات دي زي:
  1. زراعة الاسنان بيحصل فيها استبدال لجذور الاسنان الطبيعية بجذور أسنان صناعية، ودا بيساعد في تثبيت الأسنان الجديدة لمدة أطول في زراعة الاسنان عن تركيب الاسنان، وبيساعد في تجنب المريض لبعض الآعراض الجانبية اللي بتحصل مع تركيبات الاسنان الثابتة زي قرحة اللثة الحساسية من الأكل والمشروبات الساخنة والباردة.
  2. تركيبات الأسنان بتحتاج للتنظيف بشكل مستمر وبتتطلب اهتمام أكبر من المريض علشان يتجنب أي ريحة فم سيئة بسبب التركيبات.
  3. زراعة الاسنان مش بتعتمد في تثبيت السنة المزروعة على الأسنان المجاورة على عكس تركيبات الأسنان.
    بمعنى أن الدكتور علشان يثبت تركيبة الأسنان الجديدة لازم يثبتها على جزء متبقي من السن الأصلي أو لازم يعمل برد للأسنان المجاورة لمكان التركيبة علشان الأسنان الأصلية تدعم ثبات التركيبة الجديدة؛ لكن في زراعة الاسنان ممكن تتثبت الزرعة من غير ما تحتاج دعم من أي أسنان مجاورة.
وتقدر تعرف اكتر عن الفرق بين زراعة الاسنان وتركيبات الاسنان من هنا.
  1. القرنفل من أشهر الأعشاب اللي بتساعد في تسكين ألم الأسنان، وممكن استخدام القرنفل بطريقتين، الأولى ان المريض يستخدم قطنة فيها زيت قرنفل على مكان الألم، والتانية عن طريق مضغ القرنفل على الضرس المصاب؛ وبعد استخدام القرنفل هيحس المريض بتنميل أو تخدير في مكان الألم.
  2. مضغ التوم تحت الضرس المصاب، لأن التوم له خصائص مضادة للأكسدة وبتساعد في تسكين الألم.
ملحوظة: ممكن كمان المريض يلجأ للمضمضة بالمياه والملح لأن الملح له خصائص مقاومة للبكتيريا وبالتالي هيقلل الم عصب الاسنان، أو يستخدم كمادات المياه الباردة في علاج الم عصب الاسنان بالبيت لأنها بتساعد في تقليل الانتفاخ والتورم مكان الالتهاب وبالتالي بتساعد في تقليل الألم.
أشهر 5 أنواع في حشو الأسنان هم:
  1. حشو الأسنان بالذهب: و دا من أغلى أنواع حشو الأسنان، و رغم أن أهم مميزات حشوة الاسنان دي انها بتستمر سنين طويلة من غير أي تآكل، لكن استخدامها بقى محدود بسبب وجود بدايل أقل في السعر و أحسن في الشكل و تقريبًا نفس الجودة.
  2. حشو الأسنان الفضي، وهو نوع من حشوات الأسنان اللي بتحتوي على الفضة بالإضافة لعناصر أو معادن تانية زي الزنك والنحاس وغيرهم؛ ولأن تكلفة حشو الاسنان الفضي بتعتبر متوسطة أو قليلة مقارنةً بأنواع تانية، فكان كتير من الناس بيفضلوا استخدامه، لكن لأن النوع دا مش من أفضل انواع حشو الاسنان من الناحية الجمالية ولا الطبية بسبب أنه بيتأثر بالحرارة و ممكن يتمدد و ينكمش مع الوقت فيتسبب في كسر بالسن، فـحاليًا قل استخدام النوع دا من الحشوات و التوجه لاستخدام الانواع التانية بيزيد.
  3. حشو الاسنان الزجاجي واللي بيتم تصنيعه من مادة الأكريليك، وهي من أشهر المواد اللي بيتم استخدامها في حشو أسنان الأطفال لأن فيها نسبة من معدن الفلورايد اللي بيساعد في تقليل خطر إصابة الأسنان بالتسوس.
  4. حشو الاسنان المركب، ونتيجة أن لونه أقرب للون الأسنان فبيتم استخدامه أكتر من الأنواع التانية، لكن من أشهر عيوبه أنه مش بيدوم لفترة طويلة؛ يعني بالمحافظة على الأسنان و الحشو، ممكن يدوم لمدة حوالي من 6 لـ 7 سنين على حسب درجة اهتمام الشخص بأسنانه.
  5. حشو الاسنان السيراميكي ودا مصنوع من مادة الخزف، وهي مادة متينة وليها بريق جذاب زي بريق الأسنان الطبيعية وبتتميز أنها مقاومة للتسوس و التآكل، ونتيجة لدا فهي بتدوم لفترة أطول مقارنة بالأنواع التانية.
في عيادتنا White & Bright Dental Center اسعار حشو الاسنان الكومبوزيت حوالي 1200 جنيه مصري.
📋

تواصل معنا

اترك بياناتك وسيتواصل معك فريقنا في أقرب وقت.

الاستفسار الحالي