المجلة
هتلاقي هنا كل الاسئلة والمواضيع الي هتيجي في بالك عن الاسنان
لما بتفقد أكتر من سنة من أسنانك، بتحصلك شوية مشاكل في حياتك اليومية زي التلعثم في الكلام بسبب مشاكل مخارج الحروف وزي الأكل، ده غير شكل الابتسامة والألم اللي بتحس بيه نتيجة مشاكل اللثة وغيرها.عشان كده بتفكر في حل إما حل سريع أو حل دائم لمشكلة فقد الأسنان، وأحياناً بتدور على حل يكون أقل تكلفة أو بدون ألم أو غيره من العوامل اللي بتختلف من شخص للتاني، لكن كل الأشخاص بيشتركوا في إنهم بيدوروا على حل يرجعلهم حياتهم الطبيعية تاني.
زراعة الأسنان من طرق العلاج اللي حواليها أسئلة كتيرة، ودايماً بتلاقي المريض قلقان ومحتاج يتطمن بشكل كافي لأنها من طرق العلاج المكلفة، وتخيلها بيخلي المريض يفتكر إنها خطر أو صعبة أو ممكن تفشل بسهولة وغيرها كتير من التخوفات، إيه من الاسئلة أو المخاوف دي صح وإيه غلط، وهل هي طريقة علاج مناسبة لكل الناس؟ وايه هي مميزات وسلبيات زراعة الأسنان… ده اللي هنجاوب عليه في المقال ده بعد ما جمعنا أكتر من 53 سؤال عن زراعة الأسنان سواء الاسئلة دي اتبعتتلنا في العيادة أو موجودة على جوجل، وجاوبناهم تحت إشراف طبي كامل من دكاترة زراعة الاسنان في عيادة وايت اند برايت.لو عندك أي سؤال اكتبه في آخر المقال في التعليقات وأحد دكاترتنا المتخصصين هيرد عليك في خلال 24 ساعة.
فقد الأسنان مشكلة تأثيرها كبير على معظم تفاصيل الحياة اليومية زي الأكل والشرب والكلام ده غير مشاكلها العضوية في اللثة وفي الفم عموماً.عشان كده يمكن أول حل بييجي في دماغك لكل المشاكل دي هو تعويض الفقد ده بتركيبات الاسنان لو سِنة واحدة أو زراعة الاسنان لو أكتر من سنة.وفيه أكتر من سبب يخليك تتراجع عن فكرة زراعة الاسنان، أهمهم نسبة الخطورة، بس حالياً بسبب التقدم التكنولوجي بقى معروف كمان إن نسبة نجاح عملية زراعة الاسنان بتعدي الـ 95% (طالما على إيد دكتور متخصص وفي عيادة موثوقة)، طيب ده في حالة الشخص العادي… لكن مريض السكر؟ هل ينفع يزرع أسنانه؟ وهل فيه نسبة نجاح للعملية؟ ولو النسبة قليلة إيه الحل البديل؟ ده اللي هنتكلم عنه بالتفصيل في المقال ده.
أول ما بيحصل فقد للأسنان بييجي في بالك إنك لازم تزرع سنة أو تركبها مكان المفقودة وده تفكير سليم، ووارد يكون جه في بالك إنك لو عايز بديل ثابت يبقى زراعة أسنان إنما لو عايز بديل أقل في التكلفة فهي تركيبات الأسنان، لكن الحقيقة إن مش ده الفرق بينهم، وحتى التركيبات فيه منه النوع الثابت “التركيبات الثابتة”.
الابتسامة من أهم عوامل القبول والانطباعات الأولى في التعامل مع الأشخاص، وأكيد الأسنان بشكلها الطبيعي والصحي بتساعدك تحقق ده بشكل مثالي.ولأن الأسنان ليها دور كبير تاني غير الشكل الجمالي زي إنها بتساعدك تتكلم بثقة بسبب وضوح مخارج الحروف والقدرة على أكل ومضغ كل أنواع الطعام، كان هدف طب الأسنان زمان ودلوقتي المحافظة على كل الفوائد دي وتعويض أي خساير بتحصل لأياً كانت الأسباب.سواء كانت الخساير دي التصبغات والبقع والتسوس والكسور أو تشققات وفقدان الأسنان.من أهم علاجات الأسنان المستخدمة حالياً هي تركيبات الأسنان بأنواعها الكتير سواء بورسلين، تركيبات معدنية، الريزن، إي – ماكس (E-MAX)، الفولاذ وطبعا تركيبات الزيركون.
زراعة الأسنان لو جينا نتكلم عن أهدافها فهي بشكل أساسي بتتعمل لأكتر من سبب زي: تعويض الأسنان المفقودة، المحافظة على صحة الفم وباقي الأسنان، حماية اللثة، بترجع شكل الابتسامة طبيعية و بتخليك ترجع تتكلم بكل ثقة. دي النتايج الأساسية اللي بتحققها زراعة الأسنان، لكن هل هي بتصلح لجميع الحالات؟ الإجابة طبعاً لأ.. فيه حالات زراعة الأسنان هي الحل الأمثل ليها، وحالات تانية عملية زراعة الاسنان ممكن تسببلها مخاطر كبيرة.
مؤخراً فيه ناس كتيرة بدأت تهتم بالجانب الجمالي للأسنان وزاد احتياجهم لعمل ابتسامة جميلة وطبيعية لان ده بيزود ثقتهم بنفسهم وبيساعدهم يعيشوا يومهم بشكل أحسن. بس فيه سؤال بيتسئل كتير لينا في عيادة وايت اند برايت وهو إيه الفرق بين تركيبات الأسنان وعدسات الأسنان؟ وأحيانا بييجي عكس السؤال وهو إيه العلاقة بين الاتنين؟ هبدأ بالسؤال الأخير لأني هجاوب في باقي المقال عن السؤال الأول بالتفصيل.
في السنين الأخيرة ويمكن خصوصاً بعد ظهور فلاتر التجميل وبعد انتشار فكرة الجمال السينمائي زادت فكرة الاهتمام بشكل الأسنان وجمال الابتسامة. وبقت عامل مهم ومؤثر في ثقة الشخص بنفسه وهو بيتكلم أو بيضحك.والطريق التاني إن الناس اللي عندها مشاكل في أسنانها (زي التشققات، التصبغات، اعوجاج الأسنان ،الكسور أو أي مشكلة تانية في الأسنان) تلجأ لإنها تعالج ده علاج تجميلي حتى لو هيبقى مكلف أكتر بهدف الحصول على ابتسامة جميلة ومشرقة.
لو حسيت من عنوان المقال إن الموضوع أكبر من اللازم أو سألت نفسك ليه عشان اروح اكشف على أسناني أعمل 10 خطوات أو اتأكد من 10 عوامل ؟ خليني أقولك إن خطوة أو قرار (اختيار أفضل عيادة أسنان) فيه ناس بتستسهل فيه فبتقع في مشاكل كبيرة لأسنانها بتقعد تعالجها سنين، وفيه ناس بتوصل لإنها تسافر بلد أو حتى قارة تانية عشان تعالج مشكلة في أسنانها من كتر ما هي عارفة خطورة أو أهمية القرار. عشان متبقاش مع أول مجموعة خليني أأكد عليك إن ألم الأسنان من أصعب الآلام اللي ممكن تتحملها، وكل ما كانت المشكلة متطورة كل ما هيبقى حلها كألم وتكلفة ووقت أكبر بكتير. مع الأسف تطور المشكلة بيبقى جزء منه على المريض لما بيهمل في أسنانه وجزء تاني على العيادة أو الدكتور سواء بقرار غلط لحل المشكلة أو الإصابة بالعدوى نتيجة لعدم التعقيم وغيرها. لتفادي الأخطاء دي لازم تاخد قرار اختيار أفضل عيادة أسنان بعناية وحرص وبخطوات وعلامات أساسية أهمها الـ 10 نقط اللي هكلمك فيهم دلوقتي بدون ترتيب لأهمية واحدة فيهم عن التانية.
تجميل وتبييض الأسنان للحصول على ابتسامة جميلة ومشرقة كان في وقت من الأوقات يعتبر رفاهية وترف وبعض الناس بس اللي مهتمة تعمله. لكن مؤخراً بقى شيء أساسي مع الغالبية من الناس الأنه بيزود ثقتهم بنفسهم، وده بتعود نتيجته بشكل إيجابي على جوانب كتيرة في حياتهم. ومن الأسباب التانية اللي شجعت الناس على تبييض الاسنان هي إن تكلفته مش غالية و نتيجته واضحة وسريعة.
صحة الفم والعناية بالأسنان ليها جوانب كتير مؤثرة علينا سواء صحية فبتخلينا قادرين نتجنب ألم الأسنان اللي معروف إنه بيبقى شديد وصعب جداً. وجوانب تانية ليها علاقة بالشكل والمظهر، وده بيأثر بشكل كبير على ثقة الشخص بنفسه أثناء كلامه أو ابتسامته. كل جانب من الجانبين الصحي والخاص بالمظهر في الأغلب ليه طرق علاج خاصة بيه. وده ميمنعش إن فيه بعض علاجات الأسنان بتعالج الجانبين الصحي والتجميلي زي تركيبات الأسنان.
خلع الأسنان الناتج عن لخلخة الأسنان أو التهاب العصب أو مشاكل اللثة وغيرها من الأسباب، ليه آثار جانبية على المريض كتيرة جداً.. يمكن آخرهم مظهر أو شكل الفم. ونتيجة لده لجأت ناس كتيرة مؤخراً لزراعة الاسنان، قبل ما نتكلم عن مخاطر زراعة الاسنان مهم تعرف الفك بيتكون من إيه عشان تفهم إيه اللي بيتم في عملية زراعة الاسنان ممكن يحقق المميزات أو بيجلب مخاطر. الفك عبارة عن عظام مغروس فيها الجذر الطبيعي اللي ربنا خلقه ظاهر من الجدر ده التاج بتاع السِنّة “Crown” لما بتخلع سِنّة وتقعد فترة، بتبدأ العظام اللي مغروس فيها السِنّة دي تلتئم ويقل حجمها بالتدريج. وطبعا كل ما زادت المدة كل ما احتمالية حدوث ضمور في عظم الفك بتزيد وهنا بتبقى زراعة الاسنان أصعب بكتير.
الشاي من المشروبات الروتينية عند ناس كتيرة جداً، في مصر مثلاً شرب الشاي مرتبط ببداية الشغل و المذاكرة والسهر وغيرها من الأفعال اللي بينهم رابط الاحتياج للتركيز، وفي الحقيقة شرب الشاي بكميات كبيرة وبشكل روتيني مش عادة مصرية أو موجودة في الوطن العربي بس.بدليل إن فيه دراسة اتعملت على الشعب البريطاني بتقول إن البريطانيين بيشربوا حوالي 50 مليار كوباية شاي كل سنة! في المقال ده هنجاوب على أكتر من سؤال شاغلين بالك لو انت من مُحبي شُرب الشاي وفي نفس الوقت خايف على صحتك وصحة أسنانك.
ألم الأسنان صعب حد يتحمله لفترة طويلة عشان كده كل دكاترة الأسنان بتنصح بالعناية المستمرة بالأسنان وصحة الفم. ولما بتسمع إنك لازم تعتني بصحة فمك بييجي في دماغك الاعتناء بشكل الأسنان، ولونها، طولها ومعالجتها وهكذا، وده طبعاً شيء إيجابي ومهم. لكن من الضروري كمان إنك تحافظ وتقوي اللثة عشان تقدر تواصل يومك بدون ألم وفي نفس الوقت هتحافظ على صحة أسنانك على المدى البعيد.
حساسية الأسنان مشكلة شائعة جداً عند معظم الناس في العالم كله مش بس الوطن العربي، لدرجة إن فيه ناس بتفتكر إنها أمر طبيعي بيحصل مع الكل نتيجة لأكل حاجة باردة مثلاً، لكن في الحقيقة حساسية الأسنان هي واحدة من مشاكل الأسنان اللي لازم تتعالج، وعلاجها بسيط جداً لأنها في الأصل ناتجة عن عادات غير صحية، ومع تكرار العادات دي بشكل يومي بتتسبب في حصولها.- فيه أسباب كتيرة بتخلي الشخص رافض يبتسم أو رافض يتكلم، من الأسباب دي عدم ثقته في نفسه وبالتحديد عدم ثقته في مظهر أو شكل أسنانه، عشان كده في السنين الأخيرة انتشرت فكرة هوليود سمايل وعمل الفينير، وده لأسباب كتيرة منها الأسباب العلاجية ومنها التجميلية. وبالرغم من شهرتها وانتشارها لسه فيه حالة من التوهان بتحصل لما تدور على علاج لأسنانك لأنك بتلاقي مسميات ومصطلحات علااجية ومبتبقاش عارف أنهي أنسب حل ليك وفي المقال ده هنركز على توجيه للناس اللي متعرفش يعني إيه فينير الأسنان و إيه فوايده؟ و جزء تاني ميعرفش امتى يبقى محتاج إنه يعمل فينير لأسنانه، وده اللي هنوضحه باختصار.
- تعريف ابتسامة هوليود بإنها إجراء مرفّه هدفه الوصول لشكل سينمائي، هو تعريف سطحي إلى حدٍ ما، لإن فيه ناس كتير جداً بتحتاج تعمل ابتسامة هوليود المتحركة لزيادة الثقة في نفسها لما تعرف تتكلم وتبتسم بشكل طبيعي ومثالي، وده ناتج عن ابتسامة مثالية خالية من أي عيوب موجودة في الفم أو الأسنان، وده حفز ناس كتيرة جداً في الفترة الأخيرة إنهم يعملوا ابتسامة هوليود.
رجوعك لدكتور الأسنان للمتابعة والاطمئنان بعد حل أي مشكلة خاصة بأسنانك زي حشو الأسنان بعد التسوس، عمل ابتسامة هوليود، زراعة الأسنان أو غيرهم من المشاكل، شيء أساسي ومهم جداً عشان تكمل الخطة العلاجية بشكل دائم ونهائي. لكن اللي هنتكلم عنه هو رجوعك لدكتور الأسنان بعد فشل العلاج أو بسبب مشكلة في الأسنان نتيجة لأفعال وعادات يومية أثرت على أسنانك بشكل سلبي ومن أهم العادات دي:
مشاكل الأسنان كثيرة ومُتعددة من ” اصفرار الأسنان وعدم انتظامها و خراج الاسنان و تسوس الاسنان، إلخ … ” لكن خلينا مُتفقين إن أصعب مشاكل الأسنان وأكثرها إنتشاراً هي الم الاسنان واللي بتكون نتيجة لأسباب مُختلفة حسب المكان اللي بيكون فيه الألم، وحسب الحالة اللي وصلت ليها الأسنان مُسببةً الألم ده؛ فالموضوع كبير، عشان كده في المقال ده هنتكلم عن معظم المشاكل اللي بتسبب ألم الاسنان وطرق علاج الم الاسنان بالاعشاب بالمنزل بشكل سريع.
في شوية أهداف في الدنيا كدا كل حد مننا نفسه يحققها زي السفر لجزيرة بعيدة او القفز من طيارة او اقتناء حجر كريم نادر الوجود او حتى عربية من نوع مش منتشر زي لمبورجيني كلها أهداف متعلقة بالرفاهية و الراحة اللي ممكن تحسسنا بسعادة من الأهداف دي برده إن الواحد يكون ضحكته جذابة و أسنانه ناصعة البياض و هو دا بقى اللي جايين نقولهولك النهاردة عن تبييض الاسنان.
التقدم الكبير والمَهول في طب الأسنان، مكنش كافي إنه يوقف مشاكل الأسنان نهائياً اللي بتعاني منها البشرية، فبننصح الناس إنهم يهتموا ويحاولوا يعتنوا بأسنانهم قدر الإمكان عشان أسنانهم تفضل صحية وده بينعكس بشكل كبير جدا علي صحتهم العامة،، ولكن ده بردو مكنش كفاية إنه يمنع مشاكل كتير بتحصل لمعظم الناس وبتكون لأسباب صحية مُختلفة زي تسوس الأسنان، أو أمراض اللثة أو غيرهم. لسنين طويلة خيارات العلاج كانت قليلة ومحدودة، والخيارات المتاحة للأشخاص اللي عندهم أسنان مفقودة كانت استخدام الجسور أو أطقم الأسنان لكن بقي عندنا حل جديد وهو زراعة الأسنان.
هل من الطبيعي انك تلاقي اي حد في الدنيا مبيتمناش يكون عنده أسنان بيضاء ومتناسقة تنعكس على شكل ضحكته؟.. بعد تجارب كتير جداً تم اكتشاف ان في علاقة قوية ما بين شكل ضحكة الإنسان و ثقته في نفسه .. كلما كان الشخص بيبتسم في الصور على طبيعته كلما كانت ثقته في نفسه اكبر ،لكن الصورة المثالية للإبتسامة الجميلة دي غالباً مبتكملش بسبب مشاكل الأسنان زي مثلاً: وجود فوارق بين الأسنان، أو عيوب إطباق الأسنان، واللي بيكون بسبب عدم انتظام الأسنان، أو عدم التناسب مثلاً بين الفكين العلوي والسفلي، كل دي مشاكل بتأثر على تناسق الأسنان ومظهرهم العام، بالإضافة للمشاكل الطبية اللي بتحصل في حالة إهمال الأسنان، زي أمراض اللثة وتآكل الأسنان وغيرهم ، عشان كده دائماً الأطباء بينصحوا باستخدام تقويم الأسنان في سن مبكر قدر الإمكان عشان يحل المشاكل دي بأسرع شكل.
بالتأكيد لما يتردد على مسامعنا الكلمتين دول “تبييض الأسنان” و “تنظيف الأسنان” وارد جداً إن يكون في سوء فهم و لبس ناتج عن احتمالية التشابه بين المعنيين و لكن دا غير حقيقي فعملية تنظيف الاسنان مختلفة تماماً عن عملية تبييض الأسنان، جلسة تنظيف الاسنان مقصود بيها ازالة الجير من الاسنان في سبيل الحفاظ على صحة الاسنان و صحة اللثة تحديداً، اما عملية تبييض الأسنان المقصود بيها تفتيح لون الأسنان عن لونها الطبيعي اللي بيكون أبيض مائل للصفار و إكسابها درجة لون ابيض ناصع البياض و تقدر تعرف عنها اكتر من هنا
