زراعة الأسنان من الحلول الجذرية لمشاكل فقد الأسنان وهي حل مثالي لبعض الحالات لأنها مستمرة للأبد وبتحمي عظام الفك وبتحميك من معظم أمراض اللثة وغيرها من فوايد زراعة الاسنان لكن في نفس الوقت هي مكلفة بالنسبة لباقي علاجات الأسنان المؤقتة، عشان كده مهم قبل ما تاخد الخطوة محتاج تدور على إجابات 5 أسئلة مهمين:

1- اسعار زراعة الاسنان في مصر؟
مهم تعرف أسعار زراعة الاسنان في أكتر من عيادة عشان تقدر تقارن وتحدد الأنسب ليك، هنا هتلاقي جدول مقارنة اسعار زراعة الاسنان في مصر، وتعرف كمان هي هي مناسبة لحالتك ولا لأ؟
2-امتى اتطمن إن زراعة الأسنان نجحت وامتى العكس؟
بعد زراعة الاسنان مهم تعرف إزاي تعتني بيها بشكل صحي عشان تحمي الزرعة من الفشل، يعني إيه فشل زراعة الاسنان؟ في الفيديو ده بيتكلم دكتور أحمد العايدي أخصائي تركيبات وزراعة الأسنان في عيادة وايت اند برايت هيجاوبك عن السؤال ده بالتفصيل.

3-ازاي اهتم باسناني بعد زراعة الاسنان؟

مهم تقدم لأسنانك العناية الكافية والضرورية لصحة أسنانك سواء الأسنان المزروعة أو الطبيعية، عشان تتفادي المشاكل اللي ممكن تسبب فشل الزرعة على المدى البعيد ومشاكل كبيرة في اللثة وصحة باقي الأسنان، ولو ده محصلش هتسبب ألم كبير لأسنانك، والعناية دي عن طريق:
1- تنضيف الأسنان بالفرشاة بانتظام.
2- استخدام خيط تنضيف الأسنان بعد كل وجبة.
3- شطف الاسنان بغسول فم يكون مضاد للبكتيريا.
4- رابع نقطة وهم من أهمهم المتابعة والفحص الدوري المستمر والمنتظم (كل 6 شهور على الأقل) يعني مش ضروري تكون حاصلة مشكلة وحاسس بالألم عشان تروح تتطمن على أسنانك لأن أوقات الألم بيظهر بعد وجود المشكلة بفترة وبالتالي العلاج هيكلفك وقت وفلوس أكتر على عكس لما تكتشف ده بدري.

4- ازاي اختار عيادة اسنان مضمونة لعملية زراعة الاسنان؟

من أهم عوامل نجاح أو فشل عملية زراعة الأسنان هو اختيار دكتور زراعة اسنان مناسب وعيادة زراعة أسنان مناسبة، وده ممكن تعمله عن طريق إنك تشوف مين الفريق الطبي للعيادة وتقرأ آراء العملاء والحالات وتشوف صور الحالات العملية، ولو أمكن تزور العيادة عشان تقدر تتطمن من وجود التعقيم والنظافة والتعامل المناسب ليك والالتزام بالمواعيد والهدوء.

5- ازاي تتفادى أضرار عملية زراعة الاسنان؟

أضرار عملية زراعة الاسنان ممكن تحصل بسبب الدكتور أو بسبب المريض والأضرار دي زي :

• الإصابة بالعدوى في نفس مكان زراعة الاسنان وعلامات المشكلة دي إنك هتحس بارتفاع في درجة حرارة الجسم، هتلاحظ تورم في اللثة، حدوث ألم في الأسنان و هتلاحظ وجود رائحة كريهة في الفم.
• ظهور رد فعل تحسسي تجاه مادة التيتانيوم اللي بيتعمل منه الزرعة قبل ما تتغطى بالتاج (ده بيحصل في حالة وجود حساسية من المادة دي عند المريض نفسه وده مش شائع).
• حصول مشاكل في الجيوب الأنفية نتيجة تأثر الزراعة في الفك العلوي.
• تلف الأعصاب وده بيحصل لما بيكون العصب قريب من الزرعة والدكور أثناء العملية يتسبب في إصابة الأعصاب أو تلفها.
• وارد بعد عملية زراعة الاسنان يحصل انحسار للثة في منطقة زراعة الاسنان والمناطق اللي جنب الزرعة داخل الفم.
• من أكبر الأضرار هي حصول مشاكل في عظام الفك بسبب كده مهم تختار دكتور مناسب وثقة عشان يتأكد إن العظام الموجودة في الفم كافية لعملية زراعة الاسنان.

عشان تتفادى الأضرار دي مهم تخلي بالك من 3 عوامل، والعوامل دي بشكل أساسي جزء منها متوقف عليك انت وجزء منها متوقف على الدكتور وده بردو متوقف عليك في اختيار دكتور مناسب وعيادة مناسبة ودي النقطة الرابعة اللي اتكلمنا فيها فوق.

• من أهم عوامل نجاح عملية زراعة الاسنان هي الاهتمام بنظافة الزرعة وتنظيف الأسنان المزروعة والأسنان المجاورة.
• مهم جداً لو بتدخن توقف تدخين خصوصاً الشراهة في التدخين لأنه بيصعب قرار العملية من البداية ولو اتعملت بيقلل فرصة الشفاء بعد العملية.
• الفحص الدوري المستمر وتنفيذك لكل تعليمات الدكتور والتزامك بمواعيد الفحص حتى لو مش حاسس بأي مشاكل في أسنانك.

لو لسه مش عارف هل عملية زراعة الاسنان مفيدة لحالتك ولا لأ تقدر تعرف من هنا
وتقدر كمان  تشوف حالات عملية من عيادتنا في زراعة الاسنان واراء العملاء في الدكاترة والعيادة
و دلوقتي تقدر تحجز استشارة مجانية مع دكاترة متخصصين في زراعة الاسنان تعرف حالتك هتتكلف كام قبل الحجز. 

اسئلة شائعة عن زراعة الاسنان