أ2قبل سؤال “ايه هي اسعار تركيبات الاسنان في مصر” لازم تكون عارف ايه هو الفرق بين كل انواع تركيبات الأسنان وايه أكتر نوع مناسب ليك. (حسب حالة الاسنان ورغبتك ورأي دكتور تركيبات الأسنان).

الفرق بين انواع تركيبات الاسنان 

الفرق بين انواع تركيبات الأسنان واسعارها بيخليك أكثر دقة في تحديد النوع الأنسب ليك من حيث الشكل والسعر، لكن أكتر نوع مناسب ليك من حيث الكفاءة، دا اللي هيحدده معاك دكتور تركيبات الأسنان.

هتلاقي أنواع تركيبات الأسنان كتير لكن من أشهرها:

1- تركيبات الأسنان البورسلين: 

ايه هي تركيبات الأسنان البورسلين؟

هي قشرة رقيقة و رفيعة بيتم تصنيعها من البورسلين علشان تغطي السطح الأمامي للأسنان بهدف تحسين شكلها الخارجي.

والبورسلين هو الأشهر في أنواع التركيبات (فينير الأسنان)، لأن البورسلين بيتميز بمقاومة البقع اللي ممكن تفسد مظهر الأسنان الأمامية.

أسعار تركيبات الأسنان البورسلين بتتغير كل سنة حسب الحالة الإقتصادية، يعني مثلاً اسعار تركيب الاسنان البورسلين 2021 بيختلف تماماً عن اسعار تركيب البورسلين 2022.

امتى تكون تركيبات البورسلين مناسبة ليك؟

1- لو لون الأسنان بيتغير بسبب أنواع علاج معينة، او لو الفلورايد زيادة، او في حشوات كبيرة.

2- لو عندك اسنان تالفة لكن مش بدرجة كبيرة، ودا مش حاجة ممكن تعرفها بنفسك لأن لازم دكتور الأسنان هو اللي يقيم حالتك ويحدد هل هينفع تركيب الاسنان البورسلين ولا لأ.

3- لو عندك أسنان مكسورة لكن الكسر في الجزء الخارجي بس من السن.

4- لو في فجوات بين الأسنان.

ملحوظة مهمة: مفيش حاجة اسمها ضمان مدى الحياة على فينير الأسنان، لأن لازم فينير الأسنان يتغير بعد حوالي من 7 لـ 15 سنة من تركيبه على حسب نوعه وبلد منشأه.

2- تركيبات الاسنان الزيركون:

ايه هي تركيبات الاسنان الزيركون؟

الزيركون او الزيركونيا هو نوع من أنواع معدن التيتانيوم اللي بيتميز بالمتانة وأن له درجة توافق كبيرة مع أنسجة الجسم مش بيسبب حساسية الجسم أو التهابات في عظام الفك، وعادةً الزيركون هو المادة الأساسية في تصنيع تيجان الأسنان (وخاصة التيجان الخلفية)، لأن التيجان الخلفية بتتعرض لقوة ضغط أكبر وقت مضغ الأكل وطحنه.

انواع تركيبات الاسنان الزيركون؟

1- حشوة مصبوبة وهي مرحلة بتكون قبل تركيب التيجان علشان يتم ملئ الفراغات اللي في الأسنان نفسها بحيث تكافئ الأجزاء المتضررة اللي على سطح السنة أو الضرس.

2- تاج الأسنان أو الكراون اللي هدفه حماية الأسنان الطبيعية و إصلاح تلف الأسنان.

ملحوظة: التاج مينفعش يتركب لوحدها، لازم يتم تركيبه على زرعة الأسنان أو جسر تركيبات.

3- جسور الأسنان بتتركب علشان يتم تعويض مكان السنة أو الضرس المفقود.

4- أطقم الأسنان واللي عادةً بتكون مصنوعة مخصوص على حسب مقاسات فك وأسنان كل شخص، علشان تقوم بتعويض مكان جميع الأسنان سواء في الفك السفلي أو الفك العلوي.

ملحوظة مهمة: سعر طقم الأسنان المتحرك في مصر بيختلف باختلاف الخامة وجودتها، وبكيفية تركيبه.

هل في فرق بين تركيبات الزيركون بسبب بلد المنشأ؟

اكيد في فرق في جودة الزيركون نفسه وهو دا سبب اختلاف أسعار تركيبات الزيركون، يعني على سبيل المثال وليس الحصر، هتلاقي:

1- شركات ياباني زي “كاتانا”

2- ومنهم شركات سويسري زي “ايفاكلار”

3- وفي منهم الصيني.

أكيد أنت هتلاحظ الفرق بينهم في الأسعار، لكن دكتور الأسنان هو أكتر شخص مسؤول عن معرفة الفرق في تكوين الخامة نفسها.

ملحوظة: الزيركون هو المادة اللي بيتصنع منها واحدة من أهم أنواع طربوش الأسنان، لأن في أنواع تانية غير الزيركون، ولكن الزيركون بيعتبر هو الأقوى.

3- تركيبات الأسنان الايماكس:

ايه هي مميزات تركيبات الأسنان الايماكس:

اطباء الاسنان من افضل دكتور اسنان في مصر لحد أقل دكتور، دايما بيفضّلوا انهم يستخدموا تركيبات الأسنان الايماكس في الأسنان الأمامية، لأنه بيخلي لون الأسنان له مظهر طبيعي أكتر بسبب شفافيته العالية.

لكن أهم حاجه لازم نتكلم عنها في الايمكاس هو (التكنيك) أو طريقة استخدامه لأن مع اختلاف الشركات المصنعة للزيركون إلا أن التكنيك نفسه وطريقة شغل الدكتور بتفرق جدًا.

ايه اللي بيفرق في سعر تركيبات الأسنان الايماكس:

من ناحية التكنيك:

1- أول تكنيك هو الايماكس بريس واللي بيشبه لحد كبير الضغط بشكل يدوي.

2- تاني تكنيك هو الايماكس كاد، واللي اتسمى بـ كاد بسبب أنه بيتعمل بجهاز الكاد كام cad-cam وهو جهاز متخصص مش يدوي زي الايماكس بريس وبالتالي كفاءته وسعره بيكونوا أعلى.

من ناحية مهارة فني المعمل:

بتجربة صغيرة لو محتاج نفس الأوردر بنفس الخامات بس من فنيين معامل مختلفة، هيظهر الفرق بين النتيجة الأولى والتانية بشكل واضح بسبب الفني نفسه، وده بيفرق في نجاح عملية تركيبات الأسنان.

ايه الفرق بين أسعار تركيبات الأسنان في مصر وأسعارها في دول تانية؟

أسعار تركيبات الأسنان بتختلف من دولة للثانية بناءًا على اقتصاد الدولة، وعلى أساسه بيتحدد سعر الخامات أو غيرها.

يعني مثلا في امريكا هتلاقي ان تركيبات الأسنان الزيركونية تبدأ من حوالي 800 دولار.

أما في الخليج هتلاقي اسعار تركيبات الزيركون بتبدأ من 250 دولار

لكن اسعار تركيبات الزيركون في مصر بتبدأ من 120 دولار

بعد قرائتك للأسعار دي هتكون عارف سبب انخفاض تكلفة تجميل الأسنان فى مصر. 

لكن في عامل مختلف مهم في تحديد السعر غير أنواع الخامات وبلد المنشأ، وهو عامل الوقت، يعني مثلًا اسعار تركيبات الأسنان فى مصر 2021 تفرق كتير عن تركيبات الاسنان فى مصر 2022.

هل في اختلاف في أسعار تركيبات الأسنان في مصر؟

اه أكيد في اختلاف، والاختلاف في اسعار تركيب الأسنان دا ممكن يكون بسبب كذا حاجة زي اختلاف مكان العيادة ومدى نظافتها وجودتها، او خبرة دكتور التركيبات، او خامات التركيبات وبلد منشأها اللي دكتور الاسنان بيستخدمها زي ما وضحنا.

يعني بكدا نقدر نقول أن مينفعش مرجعيتك الأولى في جودة الخامات أو شطارة الدكتور تتلخص في السعر فقط.

لو عاوز تعرف أكتر عن تركيبات الأسنان هتلاقي مقارنة أسعار تركيبات الأسنان مع حالات تركيبات عملية من عيادتنا في مقال أسعار تركيبات الأسنان في مصر.

وممكن تطلب استشارة مجانية لحالة أسنانك من خلال الـ Whats App