إيه مراحل زراعة الأسنان وتعمل إيه بعد الزراعة؟
طالما وصلت للفيديو ده فانت مهتم تعرف خطوات عملية زراعة الاسنان وتطمن وتعرف بتاخد وقت إيه وكل مرحلة بتحتاج إيه قبل ما تحجز أو تبدأ ترتب للعملية وده هتعرفه بالتفصيل من الفيديو مع دكتور أحمد العايدي أخصائي تركيبات وزراعة الاسنان في عيادة وايت اند برايت، أما لو عرفت المراحل ومحتاج تعرف هي هتكلفك كام؟ عملنالك مقارنة اسعار زراعة الاسنان في مصر بناء على الخامات وتقدر بسهولة تعرف هي مناسبة ليك ولا لأ وتختار عيادة ودكتور مناسبين.
ازاي تختار عيادة ودكتور مناسبين؟
اختيارك لعيادة اسنان اسنان ودكتور اسنان مناسب تقدر تقول بيضمنلك 50% من نجاح أي عملية في الأسنان، عشان كده مهم تفرق بين العيادات وتعرف المناسب لحالتك، وخليك متأكد إن الشهر مش عامل كافي في الاختيار وأحيانا بتكون مش عامل من الأصل، ولا زيادة السعر دايما بيبقى معناها ضمان الجودة، عشان كده محتاج تاخد الخطوة بناء على أكتر من طريقة، أهمها:
ادخل اقرأ اراء العملاء وشوف رأيهم في العيادة والدكاترة.
شوف صور الحالات العملية قبل وبعد
شوف الفريق الطبي للعيادة مين وخبرتهم قد إيه؟
زور العيادة واتأكد من النظافة والتعقيم واحترام المواعيد والتعامل المناسب.
أما لو انت في مرحلة قبلها ولسه مش محدد هل زراعة الاسنان هي أنسب حل ليك ولا تركيبات الاسنان هنجاوبك على الاسئلة دي بالتفصيل.
إيه الفرق بين زراعة الاسنان وتركيبات الاسنان؟
تركيبات الاسنان هي عبارة عن تعويض الأسنان المفقودة أو المكسورة عن طريق برد الاسنان المجاورة اللي هيتركب عليها السن، عشان كده لازم تكون الأسنان المجاورة بصحة كويسة.
أما زراعة الاسنان هي تعويض الأسنان المفقودة بردو لكن مش بتحتاج وجود أسنان جانبية تسندها ولا حاجة لإنها بتتركب في عظام الفك.
ازاي تعرف انت محتاج زراعة اسنان ولا تركيبات الأسنان؟
| امتى تختار زراعة الاسنان؟ | امتى تختار تركيبات الاسنان؟ |
|
-لو تقدر تقلل التدخين أو الأفضل تبطله خالص عشان ممكن التدخين بشراهة يسبب فشل العملية بشكل نهائي. -لو مفيش أمراض مزمنة زي صعوبة التحكم في السكر بأي شكل |
-لو معندكش أمراض مزمنة صعب التحكم فيها. -لو عندك عظام فك كافية وأسنان جانبية قوية تتحمل البرد وإنه يتركب فوقيها السنة أو التاج. |
ملحوظة مهمة
لازم دكتور الاسنان المتخصص هي اللي يحدد الحل الأنسب لحالة أسنانك لأن فيه فحوصات معينة ضرورية جداً قبل خطوة العملية ودي بيستنتج منها دكتور الاسنان نسبة نجاح أو فشل العملية، تقدر تحجز استشارة مجانية لزراعة الاسنان تعرف فيها حالتك هتكلفك كام قبل الحجز.
إيه هي خطوات أو مراحل زراعة الأسنان؟
الفيديو بيوضح بالتفصيل المراحل والمدة اللي بتحتاجها كل مرحلة سواء كانت زراعة اسنان بطرق تقليدية أو زراعة اسنان فورية والفرق بينهم وبين التركيب الفوري.
لو لسه مش عارف هل زراعة الاسنان هي أنسب حل لحالة اسنانك الصحية ولا لأ تقدر من هنا تعرف فوايدها وأضرارها وازاي تتأكد إنها حل مناسب ليك، وعشان تتأكد أو تطمن تقدر تشوف من هنا حالات عملية من عيادتنا لزراعة الاسنان قبل وبعد العملية.
وتقدر دلوقتي تحجز استشارة مجانية مع دكاترة متخصصين في زراعة الاسنان يساعدوك تعرف حالتك والتكاليف اللازمة من قبل ما تحجز.
أعمل إيه بعد عملية زراعة الأسنان وإيه أهم النصايح؟
كل النصايح اللي المفروض تتبعها عشان تساعد في نجاح عملية زراعة الاسنان مبنية على نصيحتين أساسيتين وهما:
أولاً إنك تعتني بنضافة وصحة أسنانك سواء الأسنان المزروعة أو الأسنان الطبيعية، والمحافظة عليها عن طريق الاهتمام بالأكل والشرب الصحي وتناول الألبان والخضروات والفواكه ومهم طبعاً تبعد عن الأطعمة الحمضية والمشروبات الغازية والسكريات، و الاهتمام كمان بنظافتها عن طريق غسل الأسنان بفرشاة ومعجون مناسبين، بالإضافة لاستخدام خيط الأسنان في تنظيف بقايا الطعام بعد كل وجبة وده بعد المدة اللي بيحددها الدكتور المتخصص).
ثانياً: الالتزام بكل التعليمات اللي هيحددها الدكتور سواء مواعيد الكشف والمتابعة أو بالأدوية أو بباقي النصايح بشكل عام، لأنه بيكون هو الشخص اللي على دراية كاملة بالخطة العلاجية المناسبة ليك ولحالة أسنانك و ده بيساعدك تنجح العملية وتبقى ضمن نسبة النجاح العالية اللي هي 98%.
اسئلة شائعة عن زراعة الاسنان
محتاج إيه قبل زراعة اسنان؟
بعد ما تتأكد إن زراعة الأسنان مناسبة ليك ( تتأكد من الدكتور إن عظام الفك موجودة، وفي نفس الوقت العظام تكون هتستحمل زرعة وتكون الأنسجة الفموية حوالين السنة المفقودة تكون سليمة) هتحتاج تعمل أشعة بانوراما الأسنان (CT).
إيه اللي هيحصل لو فقدت سِنة ومعملتش زراعة الأسنان؟
بالإضافة لإنها هتأثر عليك إنك مش هتقدر تستمتع بالأكلات اللي بتحبها زي الأول، فهي كمان بتضر شكل الوجه مع الوقت، لأن الأسنان هي دواعم الشفايف عشان كده لما بتفقد أسنان هتحس بانكماش في الشفتين بشكل ملحوظ.
ومن الحاجات التانية اللي هتحصل لو فقدت سنة واتأخرت في زراعة الأسنان إن تكلفة العلاج والزراعة هتزيد وده نتيجة إن الأسنان المجاورة للسنة المفقودة هتتحرك من مكانها باتجاه السنة المفقودة عشان كده الدكتور هيحتاج علاجات وإجراءات إضافية قبل الزرعة.